牛一 (樂道) (已搬遷) 新店位置

當日一行人有老有嫰諗住入去幫襯食個quick lunch。或者覺得我地order得太耐啦（無錯，呢度要喺門口度叫埋野食，真係第一次聽到！），門口位哥哥仔已經黑口黑面無乜禮貌。咁都算喇，我忍！好啦，搞完一輪order好晒諗住入去，先見到原來入去要經過一條長長既樓梯上樓上，正想叫佢幫我地去㩒電梯之際，佢居然話「呢度無電梯」唔想幫我地開！（無錯，佢部電梯好巴閉，要用鎖匙開既！）本來諗住都冇辦法走人算數，點知一行人都未行出個門口，已經見到送貨位哥哥仔走左入去，頭先門口果位哥哥仔重要有講有笑咁幫佢開埋電梯添。佢係咪真係覺得我地D老人家同埋攞住BB車既孕婦就好蝦D呢？定係呢度既老闆覺得呢一類客人太麻煩阻住佢做生意搵大錢呢？今時今日既社會居然重有人會有咁既思想真係值得反省，亦希望各位可以反思無論呢度既野食究竟有幾好食都應唔應該繼續幫襯呢？