野玩田店 (已搬遷) 新店位置

朋友好耐之前已經試過之前係太子既分店，今次約尖沙咀就想試下佢呢間主打有機同健康做主題既分店。一坐低已經俾咗餐包俾我地，都已經覺得好好食。焗芝士日本溫泉蛋大啡茹($110)，見到都已經覺得吸引，切完啲蛋汁流出嚟，令我覺得好似egg benedict既健康版，個菇都煮得好好食。日本頂級帶子海膽汁意大利飯($208)，意大利飯既濕度啱啱好，味道食落去有好濃烈既海膽汁味道，好好食，帶子都好厚好大隻。烤英國羊西冷配蜜糖芥未醬($298)，呢份羊西冷超厚一份！我地揀咗四成熟，雖然會有啲血水，但食落去個口感啱啱好，非常之軟熟，羊味唔腥，又唔會太肥，非常好食！！我叫既Greenery($78)，有青瓜、梨同蘋果，平時唔鐘意食青瓜，但又覺得呢杯飲品味道幾清新，啱啱好。朋友叫既Typhoon($78)，入面係有橙、紅菜頭同菠蘿。好推介呢間餐廳每樣嘢都好好食，朋友已經約下次聚會要嚟呢度了！