The Pearl

想系尖沙咀揾个有格调嘅地方chill下，摸下酒杯底，但又唔会太嘈，呢度不失为好选择。✨自家制焗蟹肉饼 外层酥脆，里面系满满嘅蟹肉，诚意十足。蟹肉亦好鲜味。酱汁系红菜头酱汁，都几新鲜。✨鲜虾烟肉意式多士 法包上有弹牙鲜虾，再配上烟肉同芝士，上软下脆，咸香味十足。✨烩澳洲牛面颊 面颊肉肉质软腍，肉味香浓。配有和牛薯饼，外层香脆，内里好实在，和牛同薯仔打得好滑。✨慢煮伊比利亚黑豚肉黑豚肉肉质鲜嫩弹牙，配上梨蓉酱，几清新。配菜有芦笋、薯蓉同芦笋。饮品方面，叫左一杯cocktail一杯mock tail。✨The Pearl系signature Drink。佛手柑为主调，清新酸甜，酒味浓。因以香槟汽酒作酒底，建议唔好放太耐，否则酒味同果味会容易失衡，酒味过浓。✨First Love以菠萝同青瓜为主调，非常清新，食完肉类饮都几舒服。