影片
更多
2018-12-05
66 浏览
一諗起銅鑼灣就剩係會諗起時代廣場同希慎呢d大型商場。識飲識食嘅朋友今晚約左我去一間叫「Cubus28」嘅高級餐廳歎世界。佢唔約都唔知原來銅鑼灣有幢叫「Cubus」嘅以飲食為主題的銀座式商廈。呢間餐廳位於「Cubus」嘅頂層28樓，餐廳名為「Cubus28」，簡單易記！餐廳雖名為「Cubus28」，但原來天台同27樓都屬於它。一邊設有bar枱，喺bar枱可以見到廚師煮野食，香味四溢。餐廳燈光較暗，很有格調。重有電視直播足球賽，可以約班friend睇波！先上頭盤「蠳花蝦避風塘茄子」。「蠳花蝦避風塘茄子」用蠳花蝦代替左乾蒜，呢個小改變可謂「高招」，因為炒過後嘅蠳花蝦既有同蒜一樣嘅口感更為菜餚增添了蝦乾嘅香味！茄子切成長條形，炸成金黃色，好似一條條金條一樣。表面睇完全睇唔出係茄子呀！薄薄嘅脆皮包住質地挺實嘅茄子肉，好juicy呀！除左炒香左嘅蠳花蝦，重有切成粒嘅紅綠辣椒，令呢味菜食落十分香口，更充分發輝左佢作為前菜嘅作用——刺激食慾！食完頭盤小食就有湯飲。「竹笙如意海皇羹」個湯有芥蘭、蘿蔔、豆腐、帶子等，好足料，竹笙好爽口。D茨唔會整到好杰，恰到好處。飲完個湯成個人暖曬，好warm呀！跟住食左
餐廳雖名為「Cubus28」，但原來天台同27樓都屬於它。一邊設有bar枱，喺bar枱可以見到廚師煮野食，香味四溢。餐廳燈光較暗，很有格調。重有電視直播足球賽，可以約班friend睇波！
先上頭盤「蠳花蝦避風塘茄子」。
「蠳花蝦避風塘茄子」用蠳花蝦代替左乾蒜，呢個小改變可謂「高招」，因為炒過後嘅蠳花蝦既有同蒜一樣嘅口感更為菜餚增添了蝦乾嘅香味！茄子切成長條形，炸成金黃色，好似一條條金條一樣。表面睇完全睇唔出係茄子呀！薄薄嘅脆皮包住質地挺實嘅茄子肉，好juicy呀！除左炒香左嘅蠳花蝦，重有切成粒嘅紅綠辣椒，令呢味菜食落十分香口，更充分發輝左佢作為前菜嘅作用——刺激食慾！食完頭盤小食就有湯飲。「竹笙如意海皇羹」個湯有芥蘭、蘿蔔、豆腐、帶子等，好足料，竹笙好爽口。D茨唔會整到好杰，恰到好處。飲完個湯成個人暖曬，好warm呀！
跟住食左個小菜——「金莎芥末鴛鴦蝦球」。蝦球分別蘸上蛋黃醬同芥末沙律醬。蛋黃味食落有啖啖鹹香，分外滋味。芥末沙律醬，一次過食到甜酸辣三種味，加上醬汁濕濕地，同炸蝦球一齊食感覺無咁乾。
再黎嘅係點心，嗌左「脆皮意大利風乾火腿蘿蔔糕配果醬」，個皮好薄好脆，蘿蔔糕餡料充足，有冬菇、火腿，重食到啖啖蘿蔔。一定要讚嘅係佢嘅果醬！果醬用左木瓜、桃同芒果整成，好sweet呀！同埋佢唔係將d水果整到碎曬，而係保留番d果肉，食落有口感。食客食到汁嘅味之餘重可以食到果肉，證明左個醬真係用真材實料整，唔係用化學劑調味而成。
餐飲嗌左杯「Wildberry dream 」mocktail。「Wildberry dream 」味道酸酸甜甜，深紅色十分誘人。藍莓同紅桑莓給串起橫放於杯子上，賣相謀殺了不少菲林。除左串起左嘅，杯野飲入面重食到藍莓同紅桑莓，一d都冇呃秤！
最後食埋甜品——「火焰橙酒法式焦糖燉蛋」。呢個甜品睇得、食得又玩得！事關餐廳侍應會拎住個玻璃杯，用火機點著d酒，再慢慢淋落個燉蛋上面，藍色嘅火焰隨著酒流到燉蛋周圍，好夢幻呀！一定要用手機錄底同影底先得！燉蛋超滑，入口即溶！面頭嘅焦糖片好薄好脆，重有士多啤莉、紅桑莓同藍莓做伴碟，健康又美味，係幸福嘅感覺呀！是日晚餐就以美味嘅甜品作結。大家都食到好飽、好滿足呀！
张贴
