牛魔 (已結業)

出咗消費券梗係要消費下搵啲好嘢食，朋友介紹今日就黎試呢間日韓式燒肉！入去就見到店舖牆身有一幅大嘅少女晝，幾靚幾有味道！咁熱嘅天氣各自叫杯嘢飲先，一杯生薑蜂蜜茶，潤喉解渴；一杯韓國麥茶，大大杯，一jar上，仲有無限添飲，味道唔錯！今次特別想講嘅係佢嘅豚肉五花腩，清晰見到一層脂肪一層瘦肉，層層相隔顏色分明，非常吸引！個人鍾意放佢落鐵板燒到焦脆，將大部份油脂逼出再捲喺鮮脆嫩綠嘅生菜嚟食，點埋醬汁，油香肉香加上豚肉鮮甜味，真係絕配！另外呢度嘅日式烏冬都特別好食，烏冬柔軟中帶煙靭，仲有啲八爪魚，椰菜同冬菇等等，係燒肉之外另外一個好選擇！總結黎講呢間餐廳食物質素過，裝修設計又好，成餐晚飯食完都無油煙味，值得回頭！