牧羊少年與他的浮萍

营业中

休息中

一向都鐘意食牧羊少年，今晚終於有機會試到文化中心呢間新店啦。餐廳環境唔錯，好大間，又有植物做點綴，感覺好舒服，同朋友傾計影下相一流。嘢食我哋叫咗：西班牙辣椒蒜油大蝦大蝦超彈牙，辣椒和蒜油的味道非常開胃。明太子康提芝士蟹肉墨西哥夾餅餡料多，夾餅好脆口，好有口感嘅一個小食。慢燒威士忌保濕三黃雞配燒新薯及西蘭花苗非常特別，雞肉好嫩雞皮又脆，加上威士忌嘅香氣同燒新薯嘅風味，令味道更加豐富。焦糖香蕉合桃朱古力布朗尼配雲尼拿雪糕口感豐富，布朗尼軟脆適中。熱特濃朱古力非常濃郁，朱古力愛好者必飲。牧羊少年果然係唔會令人失望，有時間一定會再嚟。