聯邦大酒樓 (已結業)

好耐以前(五六年前)曾黎過尼家酒樓飲茶，印象係超難食，所以好耐好耐都冇再幫襯。最近聽講佢地換咗廚師，聽講好食咗好多，前幾日就黎試一試。尼次真係冇失望，燒腩仔脆卜卜，特價既豆沙煎堆細細粒，又唔太甜，幾好。仲有煎腸粉好好味，又夠大碟；其他叉燒包、馬拉盞都OK，但係小籠包就差D喇，雖然皮都算薄，但係冇湯汁，乾爭爭咁，最差係尼樣。三個人叫咗八碟野，埋單$163，OK喇。以平日黎講，算係貴咗少少，因為好多茶樓平日平好多。