影片
招牌菜
听年纪比较大的朋友介绍说这家酒楼的早茶不错。因此从去年开始我和朋友就常来。这家酒店很亲切，平时早上饮茶的大都是阿婆阿公~~服务员也都是比较大年纪的了~~~早上有特价点心的，最喜欢的是6.8蚊的大包包，里面有鸡蛋、菇、菜、鸡块、香肠等等~蛮好吃的，不过去晚了常常会卖完...~~还有就是小份的煲仔饭很好，如果没记错的话最便宜的时候是只要4.8蚊吧，有香菇滑鸡味的，有凤爪小排味的还有咸鱼肉片味的还有马蹄肉饼味的！~~~哈哈前三种味道都很好。粥也挺好吃的，就是姜丝放得有点多，不是很喜欢。其他的点心，例如虾饺、猪手、叉烧包、叉烧酥、奶黄包、粉果、上汤云吞等等味道都还不错了。但是千万别点那个不加任何料的肠粉，这个真的好难吃。。。。~~~就这么多啦~~值得一试的。
继续阅读
第一次写食评, d相睇落好似好油, d色亦怪怪地, 其实系我个手机影相唔太好今晚少有地同朋友2个人去酒楼食晚饭, 第一次去呢间酒楼, 朋友到先, 我7:15到, 一入门话已经有位, 个经理就问系唔系x小姐的朋友? 跟住带我去朋友张枱, 我都几surprise, 因为已经好少食肆会问贵姓, 仲要问完有follow up, 唔系问完就算, 不过一入去唔系太多人, 得10枱左右, 到我差唔多9点食完走时都只系得廿几枱, 经济真系差左, 又或者联邦俾人的感觉不嬲都贵, 所以少人, 所以记得姓咩都唔出奇至于点解会黎食系因为见门外有优惠, 几十蚊一只片皮鸭, 加廿零蚊可以二食(三选一, 我叫左七彩炒鸭丝, 其他系咩自己估, openrice话宣传唔俾我post), 同埋几十蚊上汤或芝士焗龙虾一只送伊面底, 开边蒸就平廿蚊一只(openrice话我讲价钱系宣传, 唔批我, 要我改), 呢个系星期一至五的价, 星期六日假期唔记得左个价了, 但都唔系贵好多因为以前食过d平价片皮鸭同龙虾系少得好可怜的, 所以今日都无咩期望, 2个人仲谂住只可以叫一个优惠, 叫个片皮鸭二食, 应该要叫多个菜先够饱, 但点菜时问个侍应2个人够唔够食, 要唔要叫其他, 个经理听到就笑住话一定够, 唔洗再叫了, 未试过去酒楼食, d员工唔sell我叫多几样, 仲要只系叫特价野都仲笑笑口叫我唔洗再叫叫完一阵就有个著西装的推左一只鸭出来片(几十蚊都有专人片俾我睇, 又一个surprise), 真系成只片哂, 刚好18大片, 片皮鸭黎讲就真系太大片了, 片片都有大半部手机咁大, 正宗唔应该咁大片的, 可能因为佢写明只送18片么么皮包来食, 所有特登片18片, 片完之后只鸭拎左入去, 18片对2个女仔黎讲真系算多, 男士应该刚好, 好努力每人食左6片, 之后个二食七彩炒鸭丝黎左, 平时的二食都系少得可怜, 因只鸭除左二食应该会用来做其他野, 但佢呢碟二食的鸭肉多到我肯定佢系成只鸭的肉, 我地只系食左唔够一半, 就够了, 唔怪得佢话一定够, 唔洗再叫, 不过个七彩大部分系韮菜, 西芹, 青椒呢d好多人唔食的野, 如果挑食只可以选xo酱野菌鸭件了见隔离枱3个人, 竟然可以叫哂特价的龙虾伊面同片皮鸭二食, 又一个surprise, 因平时呢d特价成日都限叫一种, 佢仲可以3个人叫2种, 不过都亏佢地食得哂, 我地2个就唔得了, 以前食过d平价龙虾, 多数都唔敢话系一只, 而且一个龙虾伊面会系好难先找到3-4旧龙虾, 仲要大部分都系壳, 然后伊面就有2饼质饱你, 呢度我见隔离枱o个碟只系见到龙虾在上面, 见唔到下面的伊面, 当然, 我见到的都系龙虾的壳, 几多肉要食o个个先知, 但至少唔系得3-4旧, 应该都真系有一小只的最后都系食唔哂, 问佢可唔可以打包, 系可以的, 不过就有d唔环保了, 竟然拎3大个发泡胶盒(系我见过最大的size)想帮我打包, 我地话一个盒得了, 因为一个盒都可以装得哂二食连皮有突, 佢想帮我分开装系好, 但真系唔环保叫埋单时佢话仲有水果唔好走住, 平时d酒楼要问先有水果, 佢又几主动, 2个人的水果有2片橙, 4片西瓜同4片哈密瓜一路食一路睇电视, 周围又唔嘈, 环境感觉系唔错的, 而且添茶水都添得好快, 又系可能因为无乜人最后发唔发现我一路都无讲味道呢, 因为同其他食评讲的一样, 食物除左开头系小热之外, 好快就凉哂, 应该系因为太少人, d冷气太冻, 呢度真系要扣分, 味道一定无二百几蚊o个d咁好食, 但其实味道本身系ok的, d鸭丝有鸭味, 唔太咸又唔太油, 见菜单仲有3少之选, 应该都唔系o个d死命落重油盐的食肆, 感觉都健康o既, 但个温度问题真系要好好解决一下茶每位$8, 一碟酸菜$10, 再加一, 即坐底都要$15位, 比一般酒楼贵, 埋单$145, 食到片皮鸭算唔错了, 打包d鸭丝加d菜, 第二日仲可以俾2个人带饭
继续阅读
难得周日同家人饮茶~10点多有屋企人揾定位~因为见到太多人点知久等了~坐落不久~先见到d人系咁走原来佢星期日都有早茶的优惠~去到11点~唔怪得之啦但系特价真系好抵wo~平时越贵的~平得越多但系要以离座计~所以我地唔受惠亦都系因为咁~在场冇乜人系11点后入座的到接近1点~都仲有空枱我地走的时候~先差唔多满座母亲节前一个星期日都唔多生意...咁都几大镬wo叫了不少点心~基本上乜都有叫~但系冇乜系特别好味反而系个水饺不差wo~有个布袋xx果...唔多得...佢系腐皮包d冬瓜粒虾粒等等~但唔好味粉果亦太草腥~其他都系合格之作~可以一食~若果系11点前食更抵但系依家7个人都系3百左右~算系咁啦~
继续阅读
两年前朋友送过两底年糕, 整体不错, 今年朋友又送了萝卜糕及芋头糕, 今晚自己一人食饭, 最后就系叮一, 两件, 又方便又快捷! 萝卜糕...萝卜唔够, 腊肠, 虾米不多, 唔咸, 但整体麻麻地, 再讲芋头糕, 以前食既...有粒粒芋头, 但而家只系实实的, 粉实在多了一点, 虽则不太好味道, 但朋友的一番心意, 已足够了!
继续阅读
*放大假第4日*前几日搭巴士经过鸿星门口，见平日的早茶价钱很优惠，今日专程去试试。在门口看到那一张不显眼的通告，原来今日开始会收正价价钱，既然一心来到，是贵了点不过也照样光顾吧。入到大厅，呆企了一分钟也没有人来招呼（在场有４－５个服务生的！），连出出入入的清洁呀姐都眼甘甘望著我．．．把鬼火就去附近的联邦算数。幸好这里还未趁机加价，见到早市孖宝超经济＜$14.8>，就来一个：白粥拼烧卖，白粥比较稀，而且有点不能形容出来味道，是吃后会令人有油腻的感觉那种．．．但又不会影响我的食欲 XD；至于烧卖，等了２０－２５分钟啊，有大粒虾大大旧猪肉，算足料啦，味道又好，而且有四大粒，抵到笑。(烧卖本身是大点)吃到到喉不到肺，叫多一碟虾肠，也等了十分钟先有，不过就麻麻地，粉皮比较厚，虾有点渣。虽然点了一个超经济的点心餐，不过埋单都要四十几，贵了点点喇~
继续阅读