安娣瑪萊

营业中

休息中

最喜愛星馬菜的我當日行過呢間餐應。先比店內環境吸引住，樓底高、色彩豐富的傢俬令人引象深刻，樓面店員話有窗邊海景位就入去試下。我哋點了海南雞半隻，酸辣鳳爪沙律，小食拼盤，香茅椰糖烤雞翼，瑪萊肉骨茶，紅咖喱豬肉，豬肉船麵，森巴蝦仁通菜班，班蘭咖椰多士。海南雞加油飯：雖然有點肥有啫哩，雞肉嫩滑, 油飯好香好食，飯都粒粒分明夠咬口。酸辣鳳爪沙律：汁醬好開胃，辣度都刺激的，鳳爪都幾大隻，嗜辣的話會推介呢度前菜開一開胃。瑪萊肉骨茶味道好濃味，豬肉都算腍。不過湯唔夠熱。如果有火加住熱會好啲。泰式紅咖喱豬肉望落以為好辛辣，食落原來微辣，還帶點甜，伴飯食一流。泰式豬肉船麵：諗唔到有星馬菜泰式船麵～竟然都幾正宗地道，牛湯底濃郁好有泰式風味，最欣賞佢個豬皮脆口掛湯。森巴蝦仁通菜：蝦仁數量算多，份量十足。最後甜品班蘭咖椰多：麵包外脆內軟，斑蘭醬好香甜，食完一件已經邪惡但好滿足。