四季良晨 (新都城中心) (已結業)

今次嚟到呢間將軍澳咁有台灣特色風味嘅小店食嘢 ，入到嚟已經感受到呢間舖頭嘅裝修好有文青氣息，好似去咗一轉台灣咁，呢度好多相掛咗喺牆上面寫住一句句嘅金句， 好值得旅行反思嘅句子。 當然唔少得仲有呢度好有台灣特色嘅小食同埋珍珠奶茶啦。咁我就叫咗個台灣四寶麵，有跟過台灣拉麵麵質呢就好有口感而且非常彈牙唔會太淋， 而且又掛到啲湯汁，食落真係好惹味， 細寶入面我就最鍾意個台灣牛展因為食落有少少根牙口感好好， 不愧為台灣美食之一。另外台灣就當然唔少得酥炸雞扒啦 ，雞扒好酥脆炸得好乾身但係啲肉又幾juicy， 配埋個多汁嘅滷肉飯嚟食簡直係一流。 滷肉飯多汁出嚟變肥豬肉仲好淋好容易咬。另外仲叫咗杯特色火龍果特飲飲落肚酸酸地幾開胃，用來解膩就非常一流啦。