MEMOIR (已結業)

嗰時臨近年尾到訪OpenRice 長期入選嘅西餐。餐廳嘅燈光調暗咗，但係光線保持柔和，配合白色的雲石枱同棕色梳化椅，有啲時尚優雅風。雖然無亮眼打卡位，但係有花花裝飾同每枱都會放咗乾花，有啲小心思。 晚餐提供晚市套餐，另外亦可以叫散餐，明白銅鑼灣區定價會高啲，加上有情調，抵唔抵食就見仁見智。 🤣$368 套餐🥣是日餐湯：南瓜湯🥣濃郁嘅南瓜味 ，濃稠度剛好，上層幾粒松子仁作點綴。 🦪日本廣島蠔燴意大利飯肥美飽滿嘅廣島蠔，肉質鮮甜滑嫩，入口蠔汁爆發。 意大利飯粒軟硬適中， 香濃忌廉加入咗洋蔥、蘑菇同白酒，口感同味道更加有層次。 三文魚籽點綴🧀煙三文魚杏仁芝士卷賣相十分精緻,可以一口咬。兩個三文魚小卷分別以黑松露同魚子點綴 ，捲着迷你杏仁芝士，少許沙律菜作配襯。 😋+$88 可以試到香煎鵝肝正常size, 唔會期望鵝肝咁大件。 🤣 熱辣辣，幾有焦香，入口亦有融化感。 🍫+$10升級三重朱古力蛋糕朱古力尚算濃郁，甜度適中，口感平凡，同其他菜式一樣咁迷你，比較想試返唔升級嘅甜品。