鯛魚魚湯專門店 (已結業)

今日專程入鰂魚涌食依間餐廳，因為見到佢用鯛魚湯作湯飯,都幾有特色,而且價錢都唔太貴。座位我地㨂左類似拉麵枱嘅位,坐得自在一啲。㨂左原隻波士頓龍蝦湯飯同蕃薯蜆 蝦魚湯飯,仲追加左帶子,生蠔同象拔貝。龍蝦好大隻,仲好多膏,有鮮味同海水味,咁嘅價錢絕對係值,店員仲好貼心比左夾我地整啲肉出黎食,同提我地可以將龍蝦夾出黎食,以免煮得太老。個湯即好重鯛魚味,係無味精嘅感覺,仲有好多款配菜,例如木耳絲,豆腐乾,娃娃菜等,好健康,口感亦好豐富,好高質。另一碗都好出色,有兩隻大蝦同好多隻蜆,兩者都好新鮮,非常出色,依碗湯更係比上一碗多左一層鮮味,應該係黎自蜆嘅汁。再值得一題係兩碗都用左珍珠米去煮,絕唔省米。追加嘅象拔貝有三隻,帶子就好隻,唔會鞋烚烚,都唔錯。蠔就得一隻,但係好鮮味,唔腥,好滿足。另外追加嘅海鮮都會配左一啲娃娃菜,食哂一定飽飽又健康。依一間真係值得再試,價錢仲咁平,鰂魚涌嘅街坊真係有口福。