六游

营业中

休息中

天氣開始涼涼地，我就會成日心思思想食麵 😋 前幾日去左中環嘅六游食上海麵，入面嘅湯底同埋小食都好有驚喜，全部都係心機之作 😆 六游三鮮魚湯上海麵個湯真係不得了 🤩 完全係濃香鮮甜 😍 呢個湯用左雞殼、豬骨、魚同埋蔬菜去熬，為左提升湯嘅鮮味，魚同蔬菜都要先煎炒過先再熬湯 👍🏻 而且 d 魚全部都係老闆每日揀街市當日新鮮嘅魚，就係湯底都用左 8、9 個鐘去熬，完全係心機誠意之作，全部飲曬都唔會口乾，足料到一個點 🫶🏻 麵嘅配料都好豐富，有魷魚、蓮藕、雲耳、蟹同埋蝦 😍 另一個亮點係個麵，厚身有嚼勁，幾彈牙，就算慢慢食都唔會吸曬 d 湯 🤤莎莎豆腐呢個真係幾特別，上層番茄酸酸地好 fresh，下層嘅凍豆腐就滑滑地，最特別係中間果層，係用茄子蓉加少少番茄打成，個口感好得意，好似魚蓉咁 🤩 整體味道清新，好唔錯 👍🏻麻辣凍蜆呢個麻辣汁好高質 😍 佢係用自家辣湯嘅辣汁煮出黎的 👍🏻 辣得黎唔會好嗆口，帶少少麻香，麻同辣 balance 得好好 🫶🏻酸辣雲耳萵筍我真係好鍾意食萵筍 😆 脆脆地好清甜嘅萵筍配上醒胃嘅酸辣汁，仲有十分掛汁嘅雲耳，非常開胃 🤤食得出呢度老闆好有心機去煮每一道菜，無論湯、麵、