古今二 (荃灣千色匯I) (已結業)

今次去到荃灣行街，行行吓肚餓就入咗去千色匯搵嘢食，想食日本嘢就入咗嚟呢間古今二。我哋兩個人都好肚餓，就叫咗兩個卷物，辣味同煙花。兩款其實都係吞拿魚茸加壽司，不過一隻嘅吞拿魚茸就重味啲，一款就落咗佢哋自家製嘅醬料。兩款嘅吞拿魚茸都十分出色，份量亦都好多。跟住個龍捲風沙律個醫亦都整得好好味，裏面嘅蔬菜有生菜青瓜絲蟹柳絲同埋蝦子，仲有啲中華沙律常見嘅海帶添，食落去層次感亦都十分豐富。跟住既牛舌都燒得十分香，唔會燒得太乾身亦都唔會感覺太生，恰到好處。最後嘅大阪自家製炸雞份量好大碟，有五大件炸雞。每一件炸得外層好香脆，而內裏雞肉亦保持鮮嫩多汁。睇得出每樣食物都睇得出佢好有心機擺盆同埋配搭。