嚐喜大不同特色餐廳小廚

营业中

休息中

其實之前嚟過食煲仔飯覺得好好味，但係今日嚟咗就發現原來轉左名，但係都主打煲仔飯，所以都入咗嚟。好彩嚟嗰陣時仲有位，坐低咗之後好快就滿晒，仲有人係出面排隊㗎😯。清炒豆苗（$58）真係好靚，大碟。好好味，炒得好香，最重要係啲菜好嫩😍🦐滑蛋炒蝦仁（$88）都有唔少蝦，蝦夠新鮮大粒，炒蛋好好味唔會太油亦都唔會太咸👍🏻。🐷胡椒白果鮮腐竹豬肚大蜆湯（$138）料多，湯好濃味同埋大碗，可以分到四碗有多。等左唔係好耐，🐮🍳窩蛋牛肉煲仔飯（$75）嚟啦！雞蛋仲未熟，撈埋落個飯嗰度就好好味🤤牛肉好腍，飯好香唔會太濕。雖然價錢係貴左少少，但係一啲都唔細碗👍🏻。［好戲在後頭😏］🐔滑雞煲仔飯（$70）份量多，飯係白雪雪嘅，雞好滑但係就唔係特別多肉，比較肥。好戲在後頭... 燒得好靚嘅金黃色飯焦，脆脆嘅口感🤤睇得出師傅燒得好有心機，但係今次唔係等左好耐，等左十幾分鐘就整好👍🏻總括來講呢度嘅餸唔單止煲仔飯靚，其他餸都好味值得嚟食😍👍🏻環境比較熱鬧，枱凳會擺得比較近。服務亦都唔會特別周到，因為始終好多客，比較少侍應，會有地道中式餐廳嘅感覺。