影片
更多
2022-07-20
55 浏览
媽媽生日，所以帶佢去食私房菜，等佢可以休息下，又食到有心思既菜式😋食私房菜其中一個好處係菜式通常特別啲，同可以跟時令食材決定菜式🙆🏻♀️首先前菜有本地水耕沙律菜伴芝麻醬，雙色墨魚仔，茶燻流心蛋伴黑魚子醬配厚切茄子。呢set擺盤十分精緻，賣相好吸引！沙律菜配麻醬同柚子，整體好清新👍茶燻流心蛋既煙燻味好香，而茄子有炸過，外脆內軟！跟住有夏日限定既原鼎燉龍脷葉青欖柑桔黑毛豚肉湯，滿滿一鍋，好足料！飲落好清甜，食材配搭都好新鮮，而且清熱解暑，好適合夏天飲😋另一道我好欣賞嘅菜式係蜜椒比利時洛克StLouis橄欖豬肋骨，豬肋骨煮得剛好，食落重好有肉汁，唔會太乾。而且甜甜酸酸，唔怕膩👍湯圓係最後既甜品。本身以為冇咩驚喜，同平時超級市場買嘅湯圓差唔多，點知佢嘅湯圓芝麻餡相當流心，而且芝麻味好濃，食得出係有心思既製作🙆🏻♀️
首先前菜有本地水耕沙律菜伴芝麻醬，雙色墨魚仔，茶燻流心蛋伴黑魚子醬配厚切茄子。呢set擺盤十分精緻，賣相好吸引！沙律菜配麻醬同柚子，整體好清新👍茶燻流心蛋既煙燻味好香，而茄子有炸過，外脆內軟！
跟住有夏日限定既原鼎燉龍脷葉青欖柑桔黑毛豚肉湯，滿滿一鍋，好足料！飲落好清甜，食材配搭都好新鮮，而且清熱解暑，好適合夏天飲😋
另一道我好欣賞嘅菜式係蜜椒比利時洛克StLouis橄欖豬肋骨，豬肋骨煮得剛好，食落重好有肉汁，唔會太乾。而且甜甜酸酸，唔怕膩👍
湯圓係最後既甜品。本身以為冇咩驚喜，同平時超級市場買嘅湯圓差唔多，點知佢嘅湯圓芝麻餡相當流心，而且芝麻味好濃，食得出係有心思既製作🙆🏻♀️
张贴
