影片
更多
2018-05-28
112 浏览
今日朋友介紹黎到呢到做小廚師一直都好鐘意又有得食又有得玩今次又滿足哂我兩個願望呢到唔算好大不過真係好full真係要記得book位 黎到呢到就當然要整小丸子同御好燒我地要跟住呢個次序咁食野小丸子->御好燒->燒肉 首先就黎小丸子我地叫左飛魚小丸子呢個小丸子口感好得意侍應會比一碟飛魚子分開上可以自己揀加落小丸子定整完再鋪係面加左落去之後咬落每一啖都卜卜聲好得意而且呢度蛋漿比較多整出黎會比出面食既更加香口小丸子唔太難整因為侍應係側邊見到會教我地所以好成功不過有個溫馨提示整完真係好熱辣辣所以唔好即刻放入口 之後就係御好燒見到呢個四式芝士麻糬御好燒覺得好特別一放上黎已經覺得好靚有種石鍋飯既感覺簡單撈一撈就可以開始整呢度既大阪燒好易整侍應好貼心咁介紹同我地講點樣可以整得成功終於整好左自己仲可以整特別嘅圖形食落同平時既唔同冇左燒肉既味道但有芝士味芝士味已經算好濃 但如果想食濃味D 建議唔好落太多大阪燒醬呢款大阪燒口感好正麻糬燒完之後超煙韌椰菜就好爽口夾埋一齊好正 另外我地都叫左兩款燒肉第一個就係蜜糖黑胡椒豚肉蜜糖同黑胡椒既味道有意想唔到既夾食落有淡淡既蜜糖味好特別亦都好香口而豚肉肥
一直都好鐘意又有得食又有得玩
今次又滿足哂我兩個願望
呢到唔算好大
不過真係好full
真係要記得book位
黎到呢到就當然要整小丸子同御好燒我地要跟住呢個次序咁食野
小丸子->御好燒->燒肉
首先就黎小丸子
我地叫左飛魚小丸子
呢個小丸子口感好得意
侍應會比一碟飛魚子分開上
可以自己揀加落小丸子定整完再鋪係面
加左落去之後咬落每一啖都卜卜聲好得意
而且呢度蛋漿比較多
整出黎會比出面食既更加香口
小丸子唔太難整
因為侍應係側邊見到會教我地
所以好成功
不過有個溫馨提示整完真係好熱辣辣
所以唔好即刻放入口
之後就係御好燒
見到呢個四式芝士麻糬御好燒覺得好特別
一放上黎已經覺得好靚
有種石鍋飯既感覺
簡單撈一撈就可以開始整
呢度既大阪燒好易整
侍應好貼心咁介紹
同我地講點樣可以整得成功
終於整好左
自己仲可以整特別嘅圖形
食落同平時既唔同
冇左燒肉既味道
但有芝士味
芝士味已經算好濃
但如果想食濃味D
建議唔好落太多大阪燒醬
呢款大阪燒口感好正
麻糬燒完之後超煙韌
椰菜就好爽口
夾埋一齊好正
另外我地都叫左兩款燒肉
第一個就係蜜糖黑胡椒豚肉
蜜糖同黑胡椒既味道有意想唔到既夾
食落有淡淡既蜜糖味
好特別亦都好香口
而豚肉肥瘦適中
原本以為燒完會好油膩
但又無想像中咁油膩
食完豬就緊係要食下牛
我地就叫左個腹胸肉
呢款肉唔係menu當中
但就係掛係牆上既特別推介menu到
係期間限定
牛肉味唔算好重
但燒完個下超級juicy
就算熱都忍唔住即刻放落口
平時燒烤食牛肉最驚係唔熟
但煮得太熟又會好韌
但呢款腹胸肉就算煮到熟都唔會韌
反而好爽口
特別係肉同肉中間既位置
口感仲正
燒完唔同既野食
發現檯面既電話都好油
當我用普通紙巾抹緊既時候
店員好細心咁比濕紙巾比我
好開心食餐又有得玩又有得食
仲好好服務添
张贴
