醉辣鮮 (天空之城)

之前一直都好想試呢間，今日終於食到，裝修一入去已經好有feel！

店員Service好好，我揀左個368set 餐，蟹同蜆係任食，啲蟹同鮑魚係自己揀完比店員，店員會幫我開埋蟹蓋，好貼心。

野食方面真係好正，佢有啲菜茄子粟米係任食，個餐仲有埋湯同溫泉蛋加蟲草雞，啲雞係真心滑，我最驚食個啲鞋碩碩嘅肉，反而佢唔係主打雞都咁好食，另外啲蟹隻隻都爆膏，好驚喜，加上好生鮮👍🏻👍🏻

啲蜆冇沙嘅，仲有4款蜆揀，好好食，佢個粥超足料，有埋白蘿蔔同排骨，令到個粥好鮮甜，食唔哂我都打包返去做宵夜。物有所值，讚！