福岡漢堡扒 (厚福街) (已結業)

福岡漢堡扒食生煎漢堡，由生到熟到係自己一手一腳煎熟，可以玩下又有得食，幾唔錯！menu有散叫and set, 都幾吸引。2人套餐ver.4, 香蒜芝士蛋牛漢堡，將和牛漢堡放上熱石，每邊輕壓3秒，每邊煎3次，就會出到一塊幾靚仔又剛剛熟既漢堡扒，和牛漢堡肉味香濃，又有juicy感覺！配有芝士蒜蓉味更香口。同個和牛漢堡幾夾。而蛋亦都幾滑嫩，蛋香十足！當熱石唔夠熱時，店員會幫我地換石，咁就唔怕煎到唔熟既肉！幾細心服務。菠蘿煙肉和牛漢堡扒， 菠蘿嘅甜甜酸酸加上煙肉嘅咸香，幾有特色！味道幾突出。芝士泡菜豚丼飯，泡菜辣惹味突出，配上豚肉更香口惹味，好好送飯，豚肉既比例都幾足料。