福岡漢堡扒 (厚福街) (已結業)

想食呢間餐廳好耐，終於約到朋友一齊去下！我地分別叫左兩個餐。.芝士蛋蒜和牛漢堡扒 (size M $124)另加煙肉$7店家選用頂級澳洲和牛，漢堡扒還用上特配調味，令肉味更香濃。先切割少少牛肉球到熱石上烹調，可因應個人喜好烹調生熟度，基本上放在小石頭上煎一會便可以食。輕易就可以整到外表甘香，入面滿滿肉汁，有得玩有得食。再配合埋雞蛋、芝士、蒜片、煙肉一齊食，口感豐富。還有三種調味料配合，有泡菜、海鹽、燒肉醬汁；個人認為牛肉都已夠味，不用添加其他配料醬汁。而且每一台都有個小煙囪，直接吸走油煙。跟餐重有飯、湯、沙律菜、配菜，夠晒份量。.東武里牛丼飯 $98d牛肉粒堆得滿滿，而且粒粒大大粒。肉質彈嫩結實，夠juicy。還有蔥花、洋蔥同蛋，配埋牛肉飯醬汁同少少芥末醬，撈勻來伴飯食，非常惹味。另外，跟餐都有個沙律，夠晒健康。.值得一讚，d店員幾有禮貌，重好勤力主動幫忙換熱石。