前菜叫咗個鮑汁鳳爪，味道唔錯，但鳳爪略嫌瘦啲，小籠包就正正常常。叫咗個花膠蟹肉蛋白，花膠算係呢度嘅招牌菜，但今次真係整得麻麻，啲花膠嚡咗啲，淋咗啲，又淡咗啲，令人失望，但墊底嘅蛋白幾好味。
叫咗個金銀泡飯二人份，但分到有六碗，個白蝦黑叉燒炒飯都唔錯，呢間餐廳嘅出品口味偏向清淡，加埋新派嘅裝修，應該啱中意現代中菜嘅顧客嘅口味。
即燒無花果天下第一豬，$258例
唐酒花膠蟹肉蛋白 $168
鮑汁鳳爪 $68
白蝦黑叉燒炒飯 $168
和味「咋咋」金銀泡飯，2~3位 $198
灌湯豚肉小籠包(兩隻) $44
