影片
更多
2013-12-30
353 浏览
因為去青衣城影聖誕裝飾，所以順道去試試呢間以白熊做吉祥物嘅日式咖哩店。桌面放的配料唔多，只有日式咖哩飯可自選添加嘅辣油同酸薑，不過酸薑嘅味道相當奇怪。除咗基本嘅日式咖哩同蛋包飯，亦有焗飯同甜品，不過款式都比較普通，無咩吸引眼球嘅特色會食品。另外，餐牌都有說明白熊吉祥物嘅來源，明顯Q版可愛得多！雞骨腸奄列蛋咖喱飯 $68 ，我叫嘅主食，基本上咖喱味非常淡，比唔上平民嘅「銀咖哩」，就連即食咖哩都不如（當然即食咖哩會有好勁味精味），雞骨腸同奄列都只係剛剛會格，失望。吉列豬扒奄列蛋蔬菜咖喱飯 $70 ，朋友叫嘅主食，奄列煮到老咗，而炸豬扒處理得唔好，肉同炸粉分開哂。和味茄子 $20 ，因為唔想無菜所以叫嘅小食，意外地係成餐最好食嘅嘢，醬汁味唔會over茄子原有味道，而且上面有少少七味粉，辣辣地嘅惹味。自家玉子燒 $20 ，基本上去親日式食店都會叫嚟試試，不過今次真係中哂伏，我都係第一次食又熱又咸嘅玉子燒。雖則的確係有唔同哂煮法（加木魚湯就會甜中帶咸），不過今次真係咸得過份，而且我嗰時仲一心以為佢甜。玄米綠茶 $12 、黑糖生薑茶 $18 ，玄米茶只係兩包普通嘅茶包，無咩好講，黑糖生薑茶就薑味
桌面放的配料唔多，只有日式咖哩飯可自選添加嘅辣油同酸薑，不過酸薑嘅味道相當奇怪。
除咗基本嘅日式咖哩同蛋包飯，亦有焗飯同甜品，不過款式都比較普通，無咩吸引眼球嘅特色會食品。另外，餐牌都有說明白熊吉祥物嘅來源，明顯Q版可愛得多！
雞骨腸奄列蛋咖喱飯 $68 ，我叫嘅主食，基本上咖喱味非常淡，比唔上平民嘅「銀咖哩」，就連即食咖哩都不如（當然即食咖哩會有好勁味精味），雞骨腸同奄列都只係剛剛會格，失望。
吉列豬扒奄列蛋蔬菜咖喱飯 $70 ，朋友叫嘅主食，奄列煮到老咗，而炸豬扒處理得唔好，肉同炸粉分開哂。
和味茄子 $20 ，因為唔想無菜所以叫嘅小食，意外地係成餐最好食嘅嘢，醬汁味唔會over茄子原有味道，而且上面有少少七味粉，辣辣地嘅惹味。
自家玉子燒 $20 ，基本上去親日式食店都會叫嚟試試，不過今次真係中哂伏，我都係第一次食又熱又咸嘅玉子燒。雖則的確係有唔同哂煮法（加木魚湯就會甜中帶咸），不過今次真係咸得過份，而且我嗰時仲一心以為佢甜。
玄米綠茶 $12 、黑糖生薑茶 $18 ，玄米茶只係兩包普通嘅茶包，無咩好講，黑糖生薑茶就薑味不足，黑糖太多過甜，不過飲到尾都係會見到生薑片。
张贴
