Tai O Lookout

营业中

休息中

早前特登去大澳文物酒店的Tai O Lookout食下午茶，同行的朋友原先話我點解要去咁遠食下午茶，點知佢一到達餐廳，就係咁話勁靚勁靚勁靚，係咪無介紹錯呢！我上網見到人哋影的相都勁心心眼，好想黎打卡影相食嘢。餐廳有兩張枱係窗邊位，景觀超靚，應該要好早book枱先有機會坐到，我哋勁羨慕，哈哈。除咗餐廳環境好優雅別緻，我仲好欣賞個洗手間好乾淨，係嚟大澳唯一一個洗手間乾淨嘅地方。佢個張餐桌紙設計得好靚，係大澳的地圖，好特別，我忍唔住問佢攞多張番屋企收藏。我哋點了一個*大澳。真味下午茶*，有薑黃沙嗲雞串，大澳鹹魚肉餅漢堡，大澳黃金蝦多士，紫貝天葵奶凍，朱古力布朗尼，西班牙油條配朱古力醬，紅樹林特飲。$288 二位用真係唔貴，食物加上餐廳環境絶對值得，搭船入嚟行下食下野，好似去咗個小旅行一樣，好享受。