影片
相关文章
大澳呢个餐厅真系值得推介！对住个海真系好舒服食物方面：花胶汤好浓不过咸咗少少个炸鱿鱼圈其实个味道几好食嘅，不过炸得好松，一拎起就甩晒出嚟个咖喱牛腩饭，值得赞个咖喱味好食，啲牛腩都好腍
继续阅读
朋友从外国回港，便相约到大澳一日游， 早上出发从东涌乘11号巴士到大澳，需时一小时15分；到埗后四围游览和欣赏风景非常舒服！当然唔少得品尝一下当地小食，如鸡蛋仔、茶果非常美味！沿路一直行会见到一座系旧警署改建的酒店，2楼系餐厅，到咗中午时分，我哋就在酒店餐厅食晏，各人点选一个套餐有汤、主食、甜品和饮品，都几丰富！牛肉汉堡配炸薯条：牛肉汉堡大大份加上系粗薯条，感觉特别好味！杂菌虾肉卡邦尼意粉：味道好好，意粉可以硬返少少就更理想！咖哩牛腩配白饭：牛腩肉质鲜味，咖哩汁尚可，但无太大惊喜！甜品系杂果慕丝，唔太甜好好味！总括嚟讲，可能今次点的食物比较普通，但在餐厅里面，边食饭边欣赏海景，清幽的环境，就非常舒适写意！
继续阅读
23/4/2025 星期三，漫活大澳，行往酒店途中，可以欣赏大澳棚屋，水退/水涨的红树林，居民屋前花园的各种花草树木，海景风光，大澳虾膏、咸鱼的制作，心情舒畅。到达酒店地下，乘坐酒店的特色升降机，可以省却脚力，直达酒店平台，只需步上短短的几层梯级，便可抵达cafe。Cafe 装饰清雅，高高的天花，挂有吊风扇，好有英式风格。在这优美环境下，轻轻松松享受下午茶，－乐也。我哋二人分享一客公司三文治，饮品有咸柠檬七喜及红莓茘枝梳打。公司三文治配有新鲜即炸的薯条，薯条香口脆卜卜 ，正正😋。饮品卖相吸睛，可以打卡，而实质都好好饮，冰冻解渴。店员招呼亲切友善，值得赞赏。到大澳，梗系要到这Cafe，才算是游大澳！
继续阅读
是日同老公结婚一周年，book咗大澳酒店住一晚，知道大澳夜晚应该冇嘢好食，所以晚餐一定要喺𠮶度食，价钱唔算好贵，可以接受，侍应服务态度一流。大虾沙律好食，因为住酒店嘅关系系送咗两个小食，一个系大虾沙律，另一个系虾酱鸡翼，好味！牛扒讲咗一份三成熟，另一份五成熟嚟到两的都系八成熟，有啲失望，但系味道OK！庆祝蛋糕上面啲字非常核突🤣🤣，但味道好好食，总括嚟讲所有嘢都OK嘅。但总括嚟讲所有嘢都争少少🤣🤣
继续阅读
今次嚟到位于大澳文物酒店嘅西餐厅✨餐厅环境几写意，空间感大，系度食饭好舒服☺️今次嗌咗Carbonara，炒得都几香，不过忌廉汁较杰，所以食咗三分一就开始腻，除咗烟肉之外，亦有蘑菇同虾仁作为配料。另外嗌咗虾多士配大澳虾酱蛋黄酱🍤虾多士炸得香口，入面嘅虾肉亦饱满弹牙，不过蛋黄酱唔系好食得出虾酱嘅味道，略为失色🥲去亲大澳都会饮紫贝天葵，呢度亦有红树林特饮，系由紫贝天葵，苹果汁同柠檬汁调制而成，饮落酸酸甜甜，十分开胃😆
继续阅读