影片
更多
2021-02-03
1717 浏览
2021年1月30日 星期六2021年嘅第一個月份差唔多就要過去，世界好似冇乜大變化咁，疫情仍然持續，真係唔知道幾時先可以去到旅行。。。所以今日唯有同老婆去咗銅鑼灣食日本菜，希望可以化解一下我嘅思鄉之苦，同時亦都好耐冇食過日本菜今日上到去嘅餐廳主要係食浜燒，即係燒海鮮，估唔到餐廳仲有提供午市定食，可以丼飯配浜燒，都幾特別，而且價錢仲幾大眾化添，不過最後我哋決定食豪啲，主力叫燒海鮮，再加一個飯首先黎到既係飲品，我要左乳酸味汽酒，飲落去真係充滿乳酸味，而且越飲越底嘅話味道會越濃烈，酸酸地幾開胃之後有沖繩風沙律，上面有好多款唔同嘅刺身同海葡萄，配埋沙律菜同醬汁，真係幾醒胃，而且刺身係厚切，好新鮮另外不得不提沙律上面嘅海葡萄同苦瓜，都係沖繩嘅特產，夠晒風味之後我同老婆每人叫咗一份味增蟹甲羅燒，嚟到嘅時候見到真係好大份蟹膏，原本以為係要自己燒，點知原來有店員幫忙，咁就唔怕燒到過熟燒完拎上嚟嘅時候真係好香，有好濃烈嘅蟹膏味，而且甲羅燒隔離仲有一塊麵包，用嚟配蟹膏，食落去感覺冇咁單調，而且冇咁鹹，可惜得一塊，如果有多少少會更加好之後有白鱔浜燒，燒到外皮好脆口，而且每一舊都充滿醬汁，唔會太過甜，肉質嫩
2021年嘅第一個月份差唔多就要過去，世界好似冇乜大變化咁，疫情仍然持續，真係唔知道幾時先可以去到旅行。。。
所以今日唯有同老婆去咗銅鑼灣食日本菜，希望可以化解一下我嘅思鄉之苦，同時亦都好耐冇食過日本菜
今日上到去嘅餐廳主要係食浜燒，即係燒海鮮，估唔到餐廳仲有提供午市定食，可以丼飯配浜燒，都幾特別，而且價錢仲幾大眾化添，不過最後我哋決定食豪啲，主力叫燒海鮮，再加一個飯
首先黎到既係飲品，我要左乳酸味汽酒，飲落去真係充滿乳酸味，而且越飲越底嘅話味道會越濃烈，酸酸地幾開胃
之後有沖繩風沙律，上面有好多款唔同嘅刺身同海葡萄，配埋沙律菜同醬汁，真係幾醒胃，而且刺身係厚切，好新鮮
另外不得不提沙律上面嘅海葡萄同苦瓜，都係沖繩嘅特產，夠晒風味
之後我同老婆每人叫咗一份味增蟹甲羅燒，嚟到嘅時候見到真係好大份蟹膏，原本以為係要自己燒，點知原來有店員幫忙，咁就唔怕燒到過熟
燒完拎上嚟嘅時候真係好香，有好濃烈嘅蟹膏味，而且甲羅燒隔離仲有一塊麵包，用嚟配蟹膏，食落去感覺冇咁單調，而且冇咁鹹，可惜得一塊，如果有多少少會更加好
之後有白鱔浜燒，燒到外皮好脆口，而且每一舊都充滿醬汁，唔會太過甜，肉質嫩滑多油脂，食完又唔會覺得太油膩
之後到主角出場，我哋分別叫左北寄貝、鱈場蟹腳同榮螺，店員首先俾未熟前既模樣我哋睇一睇先，好新鮮乾淨，之後再拎入去燒
大約20分鐘左右就燒好，先黎既係活日本北寄貝浜燒，無諗過會咁肥美，咬落去有咬口，而且充滿水份，一啲都唔乾，仲食得到海鮮味添
跟住有榮螺浜燒，店員好貼心咁剪開做細細粒，方便進食，咬落去螺肉完全冇腥味，反而幾煙韌
呢一個就係鱈場蟹腳浜燒，燒到充滿蟹嘅香味，拆起上嚟好方便，蟹肉係一梳梳既，食落去好鮮甜，仍然保留好多水份
最後仲有和牛石鍋飯，和牛鋪滿晒成個飯，上面仲有生雞蛋添，撈埋一齊食調味好足夠，而且材料好豐富，仲食到飯焦添，係一個好好嘅總結
雖然好似有少少貴，不過食物絕對對得起價錢，下次想再試其他海鮮！！
张贴
