憶食尚臘味煲仔飯

营业中

休息中

天氣開始轉涼，就想食熱辣辣嘅煲仔飯。去咗佐敦呢間中菜館，唔駛去大排檔都食到出色嘅煲仔飯😍😍  呢間中菜館裝修別緻，環境非常衛生乾淨。另外茶嘅選擇除咗有傳統嘅茶葉外，仲有玄米茶，玄米茶超香，啱晒我呢啲飲完傳統茶會瞓唔着嘅人  川味臘腸滑雞煲仔飯 煲仔飯上菜時，有專人幫你將煲仔飯同豉油攪勻，唔使自己落手👍🏼上菜時已經聞到啲香味，食落去更加有驚喜，滑雞果然好滑，好有雞味，川味臘腸好特別，有陣陣好香嘅辣味，我好鍾意❤️個飯嘅質感都好好，唔會太乾身，亦都唔會太濕。食煲仔飯最鍾意食個飯焦，服務人都會幫你將啲飯焦刮晒出嚟，唔駛自己出手，飯焦好香脆，幾乎全部比我食晒🤪  甜蜜咕嚕肉 咕嚕肉處理得好，豬肉冇「蘇」味，甜度適中，正