薯仔屋 (已結業)

友人介紹我黎呢間cafe，細細間幾適合包場👍🏻同場有班人玩足球機玩得好開心！仲有個飾物櫃裝住應該係店主珍藏，感覺都幾似去左人地屋企試左個二人餐，158一位睇落幾多野食。芝士蒜蓉包好脆口，亦都焗得好香，已經優勝過坊間其他頹餐包👍🏻如果再多d芝士就好啦凱撒沙律，菜好新鮮，汁既分量都岩岩好，唔會過多或過少。呢個係肉醬薯條，超好食！厚切薯條新鮮炸起熱辣辣，加埋微酸肉醬同芝士，雖然好邪惡但係食唔停口！最後的意粉非常大兜，個西班牙汁有d似茄汁不過完全唔酸，食到好飽好滿足！