影片
更多
2024-11-02
90 浏览
今日嚟到1908bc British Chinese同朋友食晚飯。餐廳地點非常方便，喺上環地鐵站行過嚟都係2分鐘左右。入到去餐廳感覺帶點浪漫氣氛，唔係傳統嘅中菜館裝修，感覺高貴。我哋各自叫左個tasting dinner -summer $688 per person，另外再加咗兩杯Cocktail。小食拼盤：芝麻蝦多士-芝麻味香氣四溢，蝦多士炸得鬆脆，多士冇油膩嘅感覺酥炸雲吞-鬆脆嘅雲吞同酸酸maymay嘅醬汁好夾。田園沙律-新鮮爽脆。鮮蟹肉粟米羹：蟹肉真係一疏疏㗎！有鮮味。香酥鴨掛包：中式嘅蒸包，夾住鴨肉絲，唔會有油膩嘅感覺。蒸包好鬆軟。甜豆蘆筍炒三鮮（另加$98）：有大蝦，帶子同魷魚加埋甜豆，蘆筍，紅椒同埋西蘭花一齊炒。感覺好有家嘅味道，係健康菜式嘅好選擇。宮保腰果雞柳：雞肉，加埋西芹，青紅椒，西蘭花，洋蔥，腰果同埋宮保醬汁一齊炒，醬汁好惹味，雞肉亦都大大件而且好嫩滑。英式煙肉菜粒炒蛋飯：加咗煙肉粟米同雞蛋嚟炒飯，煙肉大鹹香。飯粒炒得粒粒分明。甜品：chocolate opera質感濕潤，朱古力味濃郁。另一個係芒果椰絲蛋糕，芒果同椰絲味充滿咗口腔，感覺清新。Cocktail :朋
今日嚟到1908bc British Chinese同朋友食晚飯。餐廳地點非常方便，喺上環地鐵站行過嚟都係2分鐘左右。
入到去餐廳感覺帶點浪漫氣氛，唔係傳統嘅中菜館裝修，感覺高貴。
我哋各自叫左個tasting dinner -summer $688 per person，另外再加咗兩杯Cocktail。
小食拼盤：
芝麻蝦多士-芝麻味香氣四溢，蝦多士炸得鬆脆，多士冇油膩嘅感覺
酥炸雲吞-鬆脆嘅雲吞同酸酸maymay嘅醬汁好夾。
田園沙律-新鮮爽脆。
鮮蟹肉粟米羹：蟹肉真係一疏疏㗎！有鮮味。
香酥鴨掛包：中式嘅蒸包，夾住鴨肉絲，唔會有油膩嘅感覺。蒸包好鬆軟。
甜豆蘆筍炒三鮮（另加$98）：有大蝦，帶子同魷魚加埋甜豆，蘆筍，紅椒同埋西蘭花一齊炒。感覺好有家嘅味道，係健康菜式嘅好選擇。
宮保腰果雞柳：雞肉，加埋西芹，青紅椒，西蘭花，洋蔥，腰果同埋宮保醬汁一齊炒，醬汁好惹味，雞肉亦都大大件而且好嫩滑。
英式煙肉菜粒炒蛋飯：加咗煙肉粟米同雞蛋嚟炒飯，煙肉大鹹香。飯粒炒得粒粒分明。
甜品：chocolate opera質感濕潤，朱古力味濃郁。另一個係芒果椰絲蛋糕，芒果同椰絲味充滿咗口腔，感覺清新。
Cocktail :朋友點左lemongrass mojito ($68), 而我就點咗suzie Wong ($68). 兩杯嘢飲賣相都好啱打卡，同埋味道都啱女仔飲。
呢度所有菜式都係熱辣辣嘅，而且食完冇覺得有味精，好有家嘅感覺
张贴
