影片
更多
2021-07-11
67 浏览
今年家人生日，我同老公之前都搲到頭都大晒唔知食咩好，因為好多中菜都食過，屋企人又唔係好食得辣，搵下搵下，搵到呢間係觀塘工廈既私房菜，D食評又好似唔錯，我哋又未試過食私房菜，所以最後扑鎚食呢間好快決定埋菜單，可以揀佢哋指定套餐，又或者自選，我哋覺得食套餐應該會抵D，Final，我同老公都揀咗呢個6人套餐場內環境唔算話好光猛，都有D板間隔開每枱，D坐位唔會好迫。坐定定開咗兩壼靚茶，哥仔好快上咗兩碟小菜，黑白雲耳～等咗陣，賣相靚靚既前菜上枱，大家都嘩一聲，顏色又靚，賣相又唔差我由左邊食起，D菜唔苦幾新鮮爽脆，墨魚仔有隻辣汁食落都爽口彈牙，最後既煙薰流心蛋真係有驚喜，食落有輕輕既煙薰味道，提升咗雞蛋香味，兩者變得相得益彰；茄子🍆又炸到好香脆而又唔發黑，師傅既炸漿做得好好👍🏻，加埋佢既醬汁，成件事覺得好圓滿。亦係大多數食評讚賞既一部分食完頭盤就上燉湯，之前睇餐單覺得呢個湯好似普通咗啲，但飲落原來好清甜，好好飲。老公仲好搞笑話咩老鼠🐁？！飲得呀？鑽地老鼠係中草藥🌿，對身體好好👍🏻到主菜部分，有驚喜亦都有失望位，先講呢個頭抽煮皇帝蝦，一睇點解D蝦咁細隻既？！個名就講到以為係中隻以上既size，但上枱
好快決定埋菜單，可以揀佢哋指定套餐，又或者自選，我哋覺得食套餐應該會抵D，Final，我同老公都揀咗呢個6人套餐
場內環境唔算話好光猛，都有D板間隔開每枱，D坐位唔會好迫。
坐定定開咗兩壼靚茶，哥仔好快上咗兩碟小菜，黑白雲耳～
等咗陣，賣相靚靚既前菜上枱，大家都嘩一聲，顏色又靚，賣相又唔差
我由左邊食起，D菜唔苦幾新鮮爽脆，墨魚仔有隻辣汁食落都爽口彈牙，最後既煙薰流心蛋真係有驚喜，食落有輕輕既煙薰味道，提升咗雞蛋香味，兩者變得相得益彰；茄子🍆又炸到好香脆而又唔發黑，師傅既炸漿做得好好👍🏻，加埋佢既醬汁，成件事覺得好圓滿。亦係大多數食評讚賞既一部分
食完頭盤就上燉湯，之前睇餐單覺得呢個湯好似普通咗啲，但飲落原來好清甜，好好飲。老公仲好搞笑話咩老鼠🐁？！飲得呀？鑽地老鼠係中草藥🌿，對身體好好👍🏻
到主菜部分，有驚喜亦都有失望位，先講呢個頭抽煮皇帝蝦，一睇點解D蝦咁細隻既？！個名就講到以為係中隻以上既size，但上枱就唔係囉，味道正常，但偏鹹咗少少🤏。
再黎上條魚，我同老公事後都覺得最唔ok就係條呢魚，先講Size，又係中細條，但我哋6個人食，呢條魚係唔夠食，我夾咗兩啖就無，想食多都唔得，仲衰過酒樓😠
餐廳應該寫明大約幾両，寧願加多少少錢食條大D既，大家都開心啲；而味道都同出面酒樓食既差唔多，好彩魚肉夠滑，加番D分～
主菜頭兩味都係海鮮類，之後兩味就係肉類部分，呢度加番唔少分😆
呢兩碟我都好鐘意食，先講塊豬扒，佢並唔係一塊普通豬扒，師傅炸到好乾身，放入口之前聞一聞，已經好有陳皮香味，食落口，油脂滲出黎，食到好香口既陳皮味。好難得既係，佢做到塊豬扒係睇唔到用陳皮醃過，好想食多塊，同佢份量只能一人一塊👉🏻👈🏻
隻雞果然係招牌菜，無揀錯～雞肉好嫩滑，師傅用咗亁玫瑰花同茶葉燻過，有淡淡既茶香，好正係雞皮炸到香脆；而雞肉都係咁滑溜，忍唔住食多幾舊
食完咁好味既雞，就上個咗南瓜🎃盒，都幾特別，南瓜係爽口 。但我個人比較鐘意南瓜係粉粉地先好食，佢哋既麵包盒整到好脆，好似係食緊多士，個底吸晒D汁，都好味～
食到差唔多7、8成飽，上番碟菜消化下油膩感。侍應轉頭就上埋碟炒米粉，呢個米粉真係讚
睇番大部分食評都係揀呢款炒米粉，米粉好幼細，易入口得黎又炒得夠乾身，同出面餐廳食既好唔同，唯一係D火腿絲唔夠多，師傅如果俾多少少就個個happy la🤣🤣
最後既甜品係我好鐘食既黑芝麻湯丸，勁勁流心，好似食小籠包，先啜咗D汁，唔係講笑，會爆瀉既，同埋好彩個饀唔會好甜，因為個薑湯都已經好夠甜味
整體黎講，成餐飯係好滿意，屋企人都食得開心，除咗頭先海鮮部分外。私房菜黎講，價錢都係親民，大約每人$3XX。餐廳又唔收切餅費、免開瓶費（2支）、用現金付款可免茶介、又無限時。我哋都食咗差不多3個鐘，每道菜會慢慢上，呢D都係值得讚，所以我會推介俾朋友
題外話：洗手間🚻衞生環境麻麻
张贴
