淇琳美食餐廳

营业中

休息中

第一次去呢間店。紅日十二點半，唔係好多人。我嗌咗雙餸麵，揀咗雙腸、沙嗲牛肉、公仔麵。腸係廚師腸，腸有煎過，幾正。沙爹牛肉唔算多塊，不過大塊，質素可以。麵就普通茶餐廳公仔麵，我冇加兩蚊要出前一丁。菜兩條，幾好，軟硬煮得剛剛好。辣椒油d味還可以，但食開辣嘅人會覺得完全唔辣。一共36蚊。驚喜係，加兩蚊就有大支裝可樂！一來只係加兩蚊好抵，二來係有支裝，仲要係大支，正！埋單38蚊，茶餐廳來講又算坐得舒服，ok la。