影片
以上资料只供参考，请与餐厅确认详情
呢间咁嘅嘢执咗去算啦，知道开咗好耐，从来冇食过，今日经过第一次入咗去试。个楼面话快餐有汤有嘢饮，好啦，咁叫个叉烧切鸡煎蛋饭。个汤同冻饮好快嚟咗 (楼面指甲捆晒黑边)，但个饭等咗超过三个字，杯冻饮啲冰都溶晒，仲要叫佢加冰，咁你话我有冇作嘢？我等咗三四个字先第一次出声，个楼面只系一路重复有单有单，叫我等多阵。之后嚟𠮶啲人啲嘢都上晒，我先忍唔住话佢：大佬你快餐可以等咁耐嘅？咩叫快餐呀，叉烧切鸡斩㗎咋㖞。我就系肚饿贪快先叫佢呢个餐，个扫地同个疑似老板娘听到我嘈只系望下望下，做乜嘢呢？如果我讲得唔啱你可以出声，但佢哋系冇人出声，冇人解释过点解咁迟都出唔到个快餐，当时唔系繁忙时间，得几个客，亦唔见有外卖。最后终于嚟咗个饭，真系离谱到，啲饭唔热（未去到冻）都算，但只蛋都可以唔热㗎，如果系啱啱煎点解可以唔热㗎？到底系发生咩事。本身碗汤饮晒，想叫佢加多碗捞汤食饭算，个楼面话加８蚊，ok加钱冇问题，咁佢去咗臼汤，但我系听到𠮶个疑似老板娘唔知系咪条气唔顺，系度大声同个楼面讲：要加８蚊㖞。哗，你自己有错在先唔识补偿不特止，仲要俾说话个客听，你咁样做生意真系死得啦。我真系想净系俾杯嘢饮钱，连个饭都唔食就算，但费事系度泼妇骂街咁，自己又真系好肚饿，拿拿临当食猪馊塞饱个肚俾钱走算，到走果一刻个疑似老板娘都系好努力咁煎紧蛋，但点解我𠮶只可以系摊冻咗好耐咁？人在做天在看呀。最兴系全部人系连一句唔好意思都冇。
继续阅读
系新蒲岗体育场打完波 自己去对面既一间小店食个lunch 已经食过几次 大概1点左右 唔洗等位 最钟意系试下呢d小店既炒河粉 叫左个肉丝湿炒河粉 冇谂过咁高水准 虽然系炒河 但唔系落左好多油 唔会觉得好油 其次系唔会炒到河粉散晒 而且有部分炒到少少起焦 刚刚好 味道出色 好有镬气 加上芽菜 葱 好夹 都唔算叫肉丝 叫肉片好d 因为比较大块 同埋应该有调过味 整体非常满意 冻柠茶太多冰 如果唔系就完美价钱就真系好抵食 40蚊加3 蚊冻饮 继续支持有水准既小店
继续阅读
第一次去呢间店。红日十二点半，唔系好多人。我嗌咗双𩠌面，拣咗双肠、沙嗲牛肉、公仔面。肠系厨师肠，肠有煎过，几正。沙爹牛肉唔算多块，不过大块，质素可以。面就普通茶餐厅公仔面，我冇加两蚊要出前一丁。菜两条，几好，软硬煮得刚刚好。辣椒油d味还可以，但食开辣嘅人会觉得完全唔辣。一共36蚊。惊喜系，加两蚊就有大支装可乐！一来只系加两蚊好抵，二来系有支装，仲要系大支，正！埋单38蚊，茶餐厅来讲又算坐得舒服，ok la。
继续阅读
淇琳响慈云山开咗咁耐，竟然无食评，咁又系……佢嘅套餐平平无奇，都系其他茶餐厅嘅菜式，不过唔好俾佢外表呃到，细心去食会发觉佢哋都好有心思，例如烧腊饭，佢嘅豉油系煮过同调较过，炒粉面饭即炒，有镬气~不过想讲佢哋隐世食品，唔系呢啲……而系同佢间茶餐其他食品有啲格格不入……酸辣米线。佢嘅酸辣米线要落单至会开始煮，所以等候时间比其他餐耐，但就真系新鲜热辣，唔知系咪次次即场调味，发觉佢哋到咁上下会有修改，唔会次次一模一样，不过就真系几好食，钟意食米线一定要试下，另外佢仲有个系酸辣水饺，我发觉佢哋似系用湾X码X,系乜饀就视乎入咗乜嘢货，有啲撞彩，因为有次食咗自己唔系咁like嘅粟米饀……
继续阅读