蔡瀾越南粉 (已結業)

傳說中嘅蔡瀾PHO講到咁好食，於是專程一早去食，叫了個自選雙拼河粉揀了生牛肉和金錢腱，走了幾樣配料，只要三樣，點知嚟到全部都冇走，於是叫侍應生換過第二碗，原來佢入機，試啖湯底飲落唔錯，雖然顏色比較清但依然好味，生牛肉偏嚡唔滑唔腍，再試金錢腱切到燈影一樣薄到火煺咁薄好刀功，根本食唔出本身濃厚嘅味道，而河粉不算太滑但都ok厚薄適中，成碗嘢最得係河粉! ><再嚟過越式酸辣湯檬，機已入了走茜，但依然冇走，可以用筷子夾走所以冇換，啫話入了機廚房又唔睇，落單紙寫了侍應生又唔睇(已用紅筆圈了)，全體一致唔會睇嘢，湯底好hea係用撈檬嘅汁開滾水，又酸又唔配合食，餸有幾粒魚蛋(切到得半粒)幾條蟹柳(切到3份1條)炸豬皮等等，只有河粉正常，非常失望! ><本來叫滴漏咖啡可惜冇，所以叫了杯凍咖啡直頭係沖好了擺咗五分鐘等啲雪溶了，所以咖啡頂部有一層水就係溶雪後嘅水，咖啡偏淡仲加埋頂部溶雪水，十分難飲! ><唯一優點係可以免費續加河粉。總捨嚟講真係一試難忘，試過就算非常失望，嘥了我時間和金錢專程一早去食，以上食物和服務問題希望佢地會改善 >< 😖😤