影片
更多
2016-09-06
611 浏览
作為一只愛吃甜品的布癲狗，選擇放題的時候都盡量選擇一間比較多款式甜品嘅地方。聽過咁多間放題地方，大瀛喜嘅甜品都算係最多野揀。甜蝦、大蝦、三文魚、希靈魚分量剛剛好，滿足到想食刺身但又唔受得太多刺身的我，甜蝦同大蝦比較起來還是甜蝦比較好味，主要係甜味同埋爽口嘅分別；三文魚比較深色，鮮味十足。海虎蝦、蟹棒、秋葵蝦、有機蕃薯仔天婦羅之中都係虎蝦最好味，最經典，又脆又爽口。另外兩個普普通通，秋葵蝦呢個配搭就比較奇怪。鹽燒雞軟骨之中又有少少雞肉，笑得好鹹但是又配以檸檬，又咸又酸幾清新。鐵板蒜香一口牛d牛幾鬆化，軟林林，蒜味比較香。黃金炒海蝦可以連埋個殻一齊食，好似酥酥地的感覺，幾特別！辣酒東風螺有幾粒，唔食得辣叫左嘅話都唔怕浪費好多，超級入味，夠晒香辣。燒菠蘿四件外面好乾身但係裏面好多水份，唔會好油，超好味。甜品先係重點，六款唔同嘅甜品我就叫左四個，其中一個係Tiramisu，幾層層次分明，好鬆軟。另外有一款係芝麻奶凍，食到少少芝麻粒幾得意，另外普通奶凍個奶味好香而滑，焦糖蛋嗰個又滑又甜，唔係死甜，都值得食！！如果為甜品而食放題嘅話，唔使去甜品放題都得，呢間算唔錯。另外仲有勁多支裝嘢飲同埋盒裝野飲
作為一只愛吃甜品的布癲狗，選擇放題的時候都盡量選擇一間比較多款式甜品嘅地方。聽過咁多間放題地方，大瀛喜嘅甜品都算係最多野揀。
甜蝦、大蝦、三文魚、希靈魚分量剛剛好，滿足到想食刺身但又唔受得太多刺身的我，甜蝦同大蝦比較起來還是甜蝦比較好味，主要係甜味同埋爽口嘅分別；三文魚比較深色，鮮味十足。
海虎蝦、蟹棒、秋葵蝦、有機蕃薯仔天婦羅之中都係虎蝦最好味，最經典，又脆又爽口。另外兩個普普通通，秋葵蝦呢個配搭就比較奇怪。鹽燒雞軟骨之中又有少少雞肉，笑得好鹹但是又配以檸檬，又咸又酸幾清新。
鐵板蒜香一口牛d牛幾鬆化，軟林林，蒜味比較香。
黃金炒海蝦可以連埋個殻一齊食，好似酥酥地的感覺，幾特別！
辣酒東風螺有幾粒，唔食得辣叫左嘅話都唔怕浪費好多，超級入味，夠晒香辣。
燒菠蘿四件外面好乾身但係裏面好多水份，唔會好油，超好味。
甜品先係重點，六款唔同嘅甜品我就叫左四個，其中一個係Tiramisu，幾層層次分明，好鬆軟。另外有一款係芝麻奶凍，食到少少芝麻粒幾得意，另外普通奶凍個奶味好香而滑，焦糖蛋嗰個又滑又甜，唔係死甜，都值得食！！如果為甜品而食放題嘅話，唔使去甜品放題都得，呢間算唔錯。
另外仲有勁多支裝嘢飲同埋盒裝野飲任飲，連果汁先生都有，都算幾齊全。
张贴
