心之食堂 (裝修中)

今日放工之後約咗朋友喺銅鑼灣見面，黎到這家樓上嘅日式餐廳。點菜係用iPad自己點，都幾快捷方便。我哋叫咗：麻醬冷蕃茄：清甜蕃茄，適合素食人士。蒜蓉焗茄子：一整條茄子湯開咗成條焗，調味適中。三文魚腩：肥美厚身，我嘅至愛呀三文魚子壽司：上碟嘅時候係放喺一張木製嘅迷你凳仔，幾得意三文魚茶漬飯：比想像中細碗，但又幾好味喎，要趁仲熱嘅時候食啊迷你番薯串：好好食！超推薦，熱辣辣外皮又有少少chewyBB露筍:要有心理準備真係好BB，細細一碟。炒雜菌：份量同調味都ok，唔錯。燒雞翼：個人覺得有少少燒耐咗，同埋如果鹹啲會好味啲。總括來講，餐廳價錢行中高路線，驚喜嘅係餐廳有好多素食嘅選擇，咁啱我嘅朋友係素食者，所以都唔驚我朋友食唔飽。