影片
更多
2020-07-25
73 浏览
聽過陳儀興係新蒲崗老字號, 時至今日進駐左太子, 行過一定會留意到陳儀興滿有懷舊味道既門面。平日既8點, 等位大概半個鐘, 就係等位期間望住滷水檔師傅忙個不停, 同時充斥住滷水香味, 更加想快d坐低好好食一餐正宗潮州菜。菜館有兩層, 環境光鮮明亮, 加上不同中式擺設, 字畫, 酒瓶等等, 感覺別緻。 就座後店員先為我哋送上功夫茶, 可以正正經經坐低飲杯功夫茶既時間真係少之又少, 感覺有趣亦令我更加期待一陣既菜式。滷水鵝拼薰蹄入門口已被吸引既滷水! 鹵水既味道濃淡適中, 鵝肉鬆軟, 香而不酥而且鹵水入味非常。薰蹄切得厚身, 皮爽肉嫩而且膠質豐富, 點少少蒜茸白醋, 味道更豐富。墊底仲有滷豆腐, 入味唔在講, 彷彿集滷水既精華所在!金不換燉海螺賣相精緻, 淺黃色既湯上放住幾片新鮮金不換, 未飲已經聞到陣陣清香, 海螺帶淡淡鮮味, 加上味道清新既金不換, 湯清甜可口, 滋補又潤肺。豆醬煮海魚一食就知係新鮮既黃花魚, 魚鮮味十分突出, 普寧豆醬味道唔太濃烈, 反之恰當地提鮮。同時廚師既功力亦顯而易見, 煮既時間恰到好處, 輕輕力壓下魚身, 整條魚肉即可拆出, 嫩滑非常卻又唔鬆散, 一條新鮮
菜館有兩層, 環境光鮮明亮, 加上不同中式擺設, 字畫, 酒瓶等等, 感覺別緻。
就座後店員先為我哋送上功夫茶, 可以正正經經坐低飲杯功夫茶既時間真係少之又少, 感覺有趣亦令我更加期待一陣既菜式。
滷水鵝拼薰蹄
入門口已被吸引既滷水! 鹵水既味道濃淡適中, 鵝肉鬆軟, 香而不酥而且鹵水入味非常。薰蹄切得厚身, 皮爽肉嫩而且膠質豐富, 點少少蒜茸白醋, 味道更豐富。墊底仲有滷豆腐, 入味唔在講, 彷彿集滷水既精華所在!
金不換燉海螺
賣相精緻, 淺黃色既湯上放住幾片新鮮金不換, 未飲已經聞到陣陣清香, 海螺帶淡淡鮮味, 加上味道清新既金不換, 湯清甜可口, 滋補又潤肺。
豆醬煮海魚
一食就知係新鮮既黃花魚, 魚鮮味十分突出, 普寧豆醬味道唔太濃烈, 反之恰當地提鮮。同時廚師既功力亦顯而易見, 煮既時間恰到好處, 輕輕力壓下魚身, 整條魚肉即可拆出, 嫩滑非常卻又唔鬆散, 一條新鮮既黃花, 都要一位有功力既大廚, 先得出如此完美既結果!
肚肉苦瓜煲
半肥瘦既腩肉, 爽彈又鹹香, 配上甘味苦瓜, 送飯一流。
张贴
