影片
更多
2023-05-22
129 浏览
🌟餐廳：曜📍地址：銅鑼灣登龍街28號永光中心16樓💰價位：～$800⏰營業時間：星期一至日12:00 - 15:00 / 18:00 - 23:00📱電話：3580 0738Omakase大家就食得多啦，食材/做法大多都係大同小異，大家又有冇試過以日本高級食材做私房料理既割烹料理呢?今晚約埋朋友仔去呢間「曜」，主打特色割烹料理，以日本高級食材做出精緻私房料理，風格唔拘泥於傳統日式料理，夠哂驚喜！裝潢型格、時尚現代感重～餐廳更獲來自兵庫縣姫路A5+和牛認證，BMS達到12，即係最頂級、最完美既油花比例，係香港非常罕有！！而且唔止有好香肉味，亦唔會好似坊間和牛入口即溶、太膩！師傅解釋農場會將牛自由放養足18個月，唔似其他農場咁夾硬用飼料谷肥啲牛，所以先可以做到有肉味、入口即溶得黎唔會太膩！真係聽完都流哂口水啊！！———————————————————🌟前菜🌟✨花膠果凍-將花膠熬煮再凝固成啫喱，入口鮮味濃郁，膠質豐富，搭配埋日式雞湯酸汁，更加清新開胃~———————————————————🌟刺身🌟✨時令刺身5點-有齊文甲魷魚絲配小川無添加海膽、鰤魚、金目鯛、拖羅及牡丹蝦，既新鮮又豐富~我地最
📍地址：銅鑼灣登龍街28號永光中心16樓
💰價位：～$800
⏰營業時間：星期一至日12:00 - 15:00 / 18:00 - 23:00
📱電話：3580 0738
Omakase大家就食得多啦，食材/做法大多都係大同小異，大家又有冇試過以日本高級食材做私房料理既割烹料理呢?
今晚約埋朋友仔去呢間「曜」，主打特色割烹料理，以日本高級食材做出精緻私房料理，風格唔拘泥於傳統日式料理，夠哂驚喜！裝潢型格、時尚現代感重～餐廳更獲來自兵庫縣姫路A5+和牛認證，BMS達到12，即係最頂級、最完美既油花比例，係香港非常罕有！！而且唔止有好香肉味，亦唔會好似坊間和牛入口即溶、太膩！師傅解釋農場會將牛自由放養足18個月，唔似其他農場咁夾硬用飼料谷肥啲牛，所以先可以做到有肉味、入口即溶得黎唔會太膩！真係聽完都流哂口水啊！！
———————————————————
🌟前菜🌟
✨花膠果凍
-將花膠熬煮再凝固成啫喱，入口鮮味濃郁，膠質豐富，搭配埋日式雞湯酸汁，更加清新開胃~
———————————————————
🌟刺身🌟
✨時令刺身5點
-有齊文甲魷魚絲配小川無添加海膽、鰤魚、金目鯛、拖羅及牡丹蝦，既新鮮又豐富~我地最鍾意文甲魷魚絲配小川無添加海膽，魷魚鮮甜彈牙，上層鋪滿海膽，更能提鮮！
✨毛蟹三文魚籽蟹黃杯
-特別選用毛蟹，蟹肉鮮甜又多汁，底層更用上大閘蟹蟹黃，上層再加入以味琳調味之三文魚籽，層次感十足～好高質！！食個時再配以薄脆紫菜，大大啖食得好過癮，出色之作！
———————————————————
🌟煮物🌟
✨海老丸野菜煮
-海老丸用上虎蝦，由人手打至起膠而成，食落好彈牙，啖啖鮮蝦肉~配菜仲包括日本大根、南瓜及甘荀，加埋蟹肉煮成既玻璃獻汁，賣相好精緻~
———————————————————
🌟蒸物🌟
✨蟹皇茶碗蒸
-有別於傳統茶碗蒸，廚師加入大閘蟹蟹黃及有機栗子肉，食落口感層次更豐富~
———————————————————
🌟燒物🌟
✨醬燒A5和牛三角肋肉
-主角出場！呢款醬燒A5和牛三角肋肉用上兵庫縣姫路A5+和牛，夠哂高質矜貴！牛既油脂分佈完美而且肉汁豐富，牛味相當濃郁！真係一試難忘！！
———————————————————
🌟強肴🌟
✨鮑魚‧花雕醉蝦‧辣龍蝦醬
- 好有創意既料理~將原隻西班牙紅蝦刺身及鮑魚以花雕浸制，食落酒香味突出，肉質鮮甜彈牙～醬汁選用蝦頭蝦殼熬制，吸收哂龍蝦既精華，呢道菜制作夠哂心思，大推！
———————————————————
🌟食事🌟
✨毛蟹海膽飯
- 食材選用毛蟹及海膽，好高質~飯粒配以黑松露醬、芝麻及鮑魚肝汁，香氣及鮮味十足~廚師更參照意大利飯做法，加入以毛蟹殼炒香及天婦羅粉調配既麵撈煮成醬汁，食落味道更加濃郁！
———————————————————
🌟湯物🌟
✨鯛魚湯
- 用上新鮮黃腳立魚煎香加入滾水，再加入岩鹽作簡單調味，飲落特別鮮甜~
———————————————————
🌟甘味🌟
✨靜岡縣蜜瓜
- 最後以時令既靜岡縣蜜瓜作結，香甜多汁，夠清新~
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳有別於坊間omakase餐廳，主打日本高級食材做私房菜及割烹料理，食物菜式及賣相夠特別，賣相亦好精緻！
值得一提，餐廳除左提供兩款主打料理set比客人之外，其實主打係「客人發板」，師傅好希望客人下次黎之前，提前話比師傅知道想食咩，就會安排到一個以時令食材而制作出獨一無二既「客人發板」，價錢為每位$1000起，豐儉由人～
而且店員仲提及老闆好鍾意飲酒，所有酒杯都係喺日本各地逐對買返黎，夠哂特別有心思～每逢星期一至三老闆仲會請大家免費飲sake，飲到夠為止添啊！咁吸引，一於下次再黎試下先！！
张贴
