慢煮兩餐 (已搬遷) 新店位置

返工lunchtime想食得健康都幾難，雖然而家已經多左好多主打健康天然既餐廳，但我覺得都要專登揾先會揾到。琴日我係九如坊再度經過《慢煮兩餐》，因為好想食條菜既關係，就衝左入去。叫左個排骨養生湯餐配紹菜炒蝦米。排骨養生湯 冇落油 ，用料好新鮮，但略嫌太咸，既然係sell住家菜又何必咁重手。紹菜炒蝦米惹味，菜炒得爽口。最後仲送左一個甜品 - 士多啤梨啫喱 ，我覺得係羅拔臣開，不過佢切左d新鮮士多啤梨落去，算補返少少誠意。總括- 餸菜有住家feel，兼顧飲食均衡原則，可惜太咸，希望下次黎會有所改善。