神燈海鮮酒家 (18廣場)

营业中

休息中

同屋企人食飯一定係俾最好既佢地，所以今次就帶佢地食神燈海鮮酒家既招牌名菜盛宴。一個餐包曬多款佢地最賣得既菜式，大家都食到好開心。先黎一個伊比利亞叉燒皇做頭盤，半肥瘦既叉燒口感好過好多經典大酒家，而且蜜汁好夠。食完頭盤飲返個滋補燉靚湯，絕對濃過自己燉。採用大大隻竹絲雞燉成，湯完全唔油可以放心飲，就連湯渣都好香。呢餐既重頭戲就係招牌糯米炒膏蟹，勁鮮勁多膏唔使多講，仲要連啲飯都啖啖蟹香，係食過最高質既蟹飯。而星洲麥皮蝦炸到好香，蝦鮮得黎又大隻又彈牙，麥皮脆卜卜好似食緊零食咁。神燈小炒王都係呢餐重點，冇諗過炒油炸鬼都可以好好食。黃油雞直頭係屋企人既至愛，唔會好油又爆滑，係好食過海南雞100倍，唔怪得屋企人每次黎都要食。食完奉上既神燈美點有三樣：桂花糕，雪耳桃膠同牛奶布丁。