蜆勁村盧爸爸私房菜 (已結業)

招牌炒飯好夠鑊氣，松子仁炒香過先落好香口，瑤柱鮮味，蔥粒，蛋花分佈平均，一啖食落口，瑤柱咸香同松子鬆化香口充滿味蕾，正！ 如果少油啲會更好扇貝4x一隻，好大隻，有手掌咁大，非常新鮮，好鮮甜，粉絲再淋身少少更好，不過可以淋蒸完既汁一齊食。條裙邊好 un 腐乳包心菜，冇想像中咁大腐乳味，菜干淨新鮮，但下次可能擇番蒜蓉炒。秘酱排骨，食唔出咩味，夠咸有少少甜味，似落左好少既南乳，因為食唔晒打包，第二餐仲好味啲。反沙芋係盧爸爸送既，脆脆地連沙糖食好夾。仲送左2支 sider 俾我哋飲，好好客丫，多謝盧爸爸同好有禮貌好 cute既細細粒女仔！