波濤餐廳 (已結業)

睇完戲，到這兒吃late lunch。波濤肯定比對面維景好！for sure！點了三份茶餐，加兩個小吃，埋單才$133，巳經吃到撐！ 炒雞肉烏冬：雖然配料甚少，可幸調味料足，所以尚算好味！ 雞翼薯條湯意粉：賣相甚是討好！炸雞翼算幾好肉地，粗薯條亦原肉地，火腿湯意粉以小pot 上碟，幾cutie！ 芝士餅雪糕：紐約芝士餅質地係大路行貨，扎實厚地，幾飽肚！配一球香草冰淇淋，係女生至愛！餐飲選了「凍咖啡」、「凍檸茶」、「柑桔檸檬」（另加$8），份量足，味道一般。至於兩份特價換購的小吃「忌廉汁蜆」（$12）和「焗田螺薯蓉」（$20），都是份量巨形，味道不俗。好肯定，絕對有下次。