壽司喰 (已搬遷) 新店位置

之前訂親位都full,心諗一定係筍野要試吓,何況中環食日本野除左kiku之外都冇其他好既選擇,上星期就約定朋友提早一星期訂枱.要試吓食物質素,梗係要嗌魚生.叫左個海鮮魚生飯定食,同kiku一樣價錢($190),個魚生飯黎到個樣唔錯,款式有10種8種,仲有海膽添.不過.....海膽唔夠新鮮,有d腥.隻蝦得個大字,冇鮮甜味.帶子得一隻(kiku有兩隻),唔夠厚亦唔夠甜,其他魚如三文、吞拿、油甘魚等均比kiku的遜色.好明顯,一樣的價錢,不一樣的質素,kiku仍然係我既首選,不過訂位一樣艱難.如果要公平一些,餐廳的環境和侍應的服務是不俗的.熱茶夠熱和美味的味噌湯可能會是你想光顧的原因呢!