最驚喜就係佢哋仲有各種午市套餐，選擇種類都唔少，入面仲包埋昆布湯、沙律、漬物仲有飲品，性價比好高👍🏼
我哋叫咗宮崎和牛特上雪花牛扒肉同澳洲和牛橫隔膜定食，一次可以試到兩種高級肉肉～宮崎和牛唔使多形容，呢種冠軍牛點可能會唔好食😌望住雪花咁嘅油花紋路，我哋嘅口水都快流晒出嚟🤤輕輕燒一燒，微微變色就可以開食，柔軟細膩；澳洲和牛橫隔膜都好正，肉質口感多汁，帶住濃烈嘅牛肉風味😇
鹿兒島走地雞定食就係用咗雞髀肉呢個部位，雞肉原汁原味就已經好食，唔需要多餘嘅醬料就食得出特別鮮嫩👍🏼表面燒得焦焦，但係入面軟嫩多汁，令人忍唔住一啖接一啖～
