咖啡灣 (已結業)

大約一年前去寶琳色到呢間野係俾門面吸引左, 門口有lego砌成既城堡同摩天輪, 裝修好粉色好女仔(男仔見到會想死), 我就行去望下餐牌, 又中我想食既西cafe野得黎價錢不算太貴, 於是開始我第一次光顧經驗, 不過頭個次無影相。我就講我今次食既野啦, 今次我叫左個lunch set櫻花蝦明太子意粉, 佢有個粟米湯/沙律跟。湯呢我就無影, 因為似落都好忌廉湯feel, 粟米蓉好足囉, 好味既。重點來了, 個意粉好好食!佢個汁成碟都係, 唔係過多係一定每啖都足, 櫻花蝦同其他配料都好足!一啲都唔孤寒!! 仲要個味好好食! 個汁較得好好! 岩岩黎碟覺得好細碟, 但佢個粉係捲得好實, 汁濃, 一定飽肚!上面再加木魚好香~~~~我今次其實飲柚子蜂蜜但無特別, 都係咁既樣, 但要上次既hazelnut latte, 我食過3次佢既咖啡類可以唔試, 次次都好淡無味, 大家可以試一次有幾淡😂😂基本上食一個晏$60~90啦, 我覺得呢啲餐廳咁上下可以接受。環境整潔, 員工每次態度都好好, 呢兩樣好加分。順帶一提, 如果餓既唔好叫下午茶set, 因為一定唔飽, 記得食返lunch。