焱丸水產 (已結業)

日式浜燒近排真係食得多左，之前又去左銅鑼灣嘅焱丸水產到食，店舖裝修好有日式居酒屋嘅感覺，幾有特色。蟹子蟹肉薯仔沙律 $78蟹肉混入左薯仔入面，食每一啖都食到蟹肉同蟹子，好清新。蟹味噌甲羅燒 $136係我食過最多材料嘅甲羅燒，大量嘅蟹子蟹肉蟹膏，加上葱花同暗春蛋，賣相泥講已經好吸引，配上青瓜絲，減低左個膩感。蟹味噌雲丹 $216雲丹亦姐係海膽，見到用料好新鮮，賣相亦都好吸引，食之前將米酒倒落蟹蓋混合一齊食，蟹膏海膽同酒味都好濃，有啲互相掩蓋左嘅感覺。刺身5盛 $208 + 棱子魚 $228海膽份量好多，而且唔腥仲好鮮甜。三文魚呑拿魚油甘魚，件件都厚切，肉質肥美。帆立貝大大粒好厚肉，好新鮮。棱子魚嘅魚皮輕微火灸過，好香，逼哂啲魚油味出泥，而魚肉仲係生嘅，好嫩滑。壽司盛合 $268每款壽司各一件，但每件魚肉都好厚肉而且大件。酒釀螢烏賊 $50好新鮮好彈牙，味道比較濃，仲有小小酒嘅甜味。呑拿魚鮫 $228燒到好香，魚肉好實，唔會一夾就散，魚油味濃。雲丹海苔芋天婦羅 $98炸漿好薄，用紫菜包住海膽，一咬開海膽好似要流出泥咁。焱丸活貝大盛 $368有帆立貝、生蠔、鮑魚同花甲，每樣都大件新鮮厚肉，尤