影片
更多
2021-06-13
221 浏览
經過朗豪坊高層嘅朋友一定會留意到呢間經常會排長龍嘅日本天丼專門店，想試好耐今日終於嚟到一探究竟。發現呢間係我食過最好食嘅一間天丼啊！餐牌上單品選擇唔多，簡而精係佢地特色，所以睇餐牌好快就揀到心水之選。除咗招牌幾款天丼外，仲有天吉雙品，迷你天丼配上熱烏冬或冷烏冬。貪心的我就點咗配冷烏冬個款一試，一嚟可以試到天丼基本配備，夏天又可以食冷烏冬清爽一下。食天丼前先呷一口麵豉湯，入面都有唔同料，飲落亦無其他咁咸口。天丼嘅基本配備就係黑虎蝦、什錦炸物、茄子、四季豆、溫泉蛋。溫泉蛋炸後仍帶蛋汁，撈飯一流。黑虎蝦大條又夠新鮮爽彈。什錦炸物即洋蔥加櫻花蝦，好似平時食洋蔥圈嘅感覺，洋蔥幾甜炸後又好惹味。茄子、四季豆都係好清甜，取料唔馬虎呢！最愛天丼汁甜甜地夠下飯，加上本身廚師預嘅汁量係剛剛好，拌勻就好夠味了。另外冷烏冬配嘅汁比之前食過嘅較清淡，剛剛好食完濃味嘅天丼，配搭淡淡帶柚子清香嘅烏冬係唔錯。烏冬煙韌量多，雙品好岩男生份量，夠飽肚啊！朋友點咗All Star，同迷你丼一比之下就巨大多了。內容物更豐富，除了基本配備外，仲有海紅鯛、軟殼蟹、雞肉、南瓜等。食天丼仲有免費椰菜絲嘅部分，淋一圈柚子胡椒汁食落好開
餐牌上單品選擇唔多，簡而精係佢地特色，所以睇餐牌好快就揀到心水之選。除咗招牌幾款天丼外，仲有天吉雙品，迷你天丼配上熱烏冬或冷烏冬。貪心的我就點咗配冷烏冬個款一試，一嚟可以試到天丼基本配備，夏天又可以食冷烏冬清爽一下。
食天丼前先呷一口麵豉湯，入面都有唔同料，飲落亦無其他咁咸口。
天丼嘅基本配備就係黑虎蝦、什錦炸物、茄子、四季豆、溫泉蛋。
溫泉蛋炸後仍帶蛋汁，撈飯一流。
黑虎蝦大條又夠新鮮爽彈。
什錦炸物即洋蔥加櫻花蝦，好似平時食洋蔥圈嘅感覺，洋蔥幾甜炸後又好惹味。茄子、四季豆都係好清甜，取料唔馬虎呢！最愛天丼汁甜甜地夠下飯，加上本身廚師預嘅汁量係剛剛好，拌勻就好夠味了。
另外冷烏冬配嘅汁比之前食過嘅較清淡，剛剛好食完濃味嘅天丼，配搭淡淡帶柚子清香嘅烏冬係唔錯。
烏冬煙韌量多，雙品好岩男生份量，夠飽肚啊！朋友點咗All Star，同迷你丼一比之下就巨大多了。
內容物更豐富，除了基本配備外，仲有海紅鯛、軟殼蟹、雞肉、南瓜等。食天丼仲有免費椰菜絲嘅部分，淋一圈柚子胡椒汁食落好開胃。
而佢地嘅牛蒡茶都相當解膩，邊食邊飲都感覺健康平衡啲。
张贴
