影片
更多
2007-05-07
24 浏览
5/6/2007 7:30PM為提早慶祝母親節, 早左一星期食飯, 泰馨係早兩年朋友帶路一試既私房菜, 估唔到佢既水準幾高. 作為第一個寫呢間餐廳食評既人, 先講下佢既特色:交通: 搭車去到洪水橋, 要再步行10分鐘, 但係唔識路最好打的.佢都幾易認, 對住一個大貨倉停車場(x 豐), 揸車泊係度係免費的.環境: 由於佢係私房, 門口係無招牌既, 遠睇只係一間舊式平房,睇清楚門牌329就係喇~地方唔大, 無咩裝修, 有家庭feel.入到門口有3,4張枱, 入面就有d細房咁. 所以6點幾就開始多人, 7點左右更要企係門口等位.食物: 餐牌係唔會有價錢既, 無套餐, 但都好多選擇, 唔會好貴, 可放心叫. 罐裝飲品同甜點就可以自己出雪櫃拎, 埋單計. 我地一行5人, 以下既食物都係我食左幾次, 質數穩定, 推介之作:燒豬頸肉: 燒得好香, 仲好林, 唔會實的的. 點左佢d少辣既汁, 好惹味.釀雞翼: 每隻計既, 4-5個人兩隻都好夠, 因為佢會切開3-4 件. 皮炸得脆, 入面釀左雞翼肉, 加埋粉絲同d香料, 口感豐富, 有特色, 好過叫香矛雞翼.海鮮冬陰公(大,$75): 係一家至愛!
為提早慶祝母親節, 早左一星期食飯, 泰馨係早兩年朋友帶路一試既私房菜, 估唔到佢既水準幾高. 作為第一個寫呢間餐廳食評既人, 先講下佢既特色:
交通: 搭車去到洪水橋, 要再步行10分鐘, 但係唔識路最好打的.佢都幾易認, 對住一個大貨倉停車場(x 豐), 揸車泊係度係免費的.
環境: 由於佢係私房, 門口係無招牌既, 遠睇只係一間舊式平房,睇清楚門牌329就係喇~地方唔大, 無咩裝修, 有家庭feel.入到門口有3,4張枱, 入面就有d細房咁. 所以6點幾就開始多人, 7點左右更要企係門口等位.
食物: 餐牌係唔會有價錢既, 無套餐, 但都好多選擇, 唔會好貴, 可放心叫. 罐裝飲品同甜點就可以自己出雪櫃拎, 埋單計. 我地一行5人, 以下既食物都係我食左幾次, 質數穩定, 推介之作:
燒豬頸肉: 燒得好香, 仲好林, 唔會實的的. 點左佢d少辣既汁, 好惹味.
釀雞翼: 每隻計既, 4-5個人兩隻都好夠, 因為佢會切開3-4 件. 皮炸得脆, 入面釀左雞翼肉, 加埋粉絲同d香料, 口感豐富, 有特色, 好過叫香矛雞翼.
海鮮冬陰公(大,$75): 係一家至愛! 逢到必叫~ 有一個砂鍋咁大, 用上海鮮如大頭蝦, (6-7 隻),大硯, 不同香料…..個湯好香, 唔係好辣, 酸味更激發食慾. 真係不容錯過.
咖哩炒蟹($130): 好大一隻, 蟹好新鮮, 咖哩唔多辣, 只取其香. 同時放埋粉絲吸味,
蝦膏炒飯: 呢個飯炒得好好, 蝦膏唔會好咸, 而飯粒炒得夠乾身, 好均勻.雖然飯面只有蛋花同蝦干仔, 但簡簡單單已好好味. 送埋d咖哩汁….碟底照鏡!
生菜包: 肉碎同洋蔥, 辣椒, 香料同炒香, 放入新鮮唐生菜, yummy~
清炒椰菜苗x2 ($3x each): 唔係好大碟, 所以encore左. 我覺得好食過炒什菜, 因為比較少有. 椰菜苗好嫩, 又爽, 炒得青綠, good~
炒聖子: 呢味比較辣, 肉唔多, 屬細隻,不太喜歡可以不試.
珍多冰: 唔夠冰, 又唔夠jelly, 唯一麻麻的..
p.s 1.如果怕無位可先打電話留位. 2.食咁多野都唔洗$500, 抵~
张贴
