影片
从来冇写过食评,觉得好晒时间,估唔到我第一次写食评就系为左佢。朋友同我食生日饭,揸车黎到依到,我心谂,有冇去错人地屋企呀,点睇都唔似一间餐厅窝,咁跟住我就得个"信"字行入去啦,入到去真系好简陋好似屋企多过餐厅。唔理咁多喇,我地劲肚饿,order左咖哩蟹粉丝(好食到癫!!!!),鸡翼酿饺子,生菜包(超超好食)生虾,猪颈肉,唔系好记得有冇打漏。我真系好耐好耐冇食过咁好味o既泰国菜,甚至九龙城o个班都不及依间。
继续阅读
男朋友带我黎食隐世泰菜，洪水桥落车，要行一段黑麻麻嘅路，沿途咩都无，呢啲环境唔会令人觉得有餐厅，黎到门口，似民居，无明显招牌，好神秘咁。餐牌上有中文泰文，但无价钱，不过据说唔太贵，钟意食咩就拣咩啦。夜晚8点半黎到，已经无扇贝同蚬，剩返虾，叫左咖哩粉丝虾，咖哩粉丝有啲蛋丝，好香唔太辣，个味道真系无得顶，净食粉丝无𩠌都无问题！虾就普普通通啦，无咩鲜味但唔算太差。泰式炒杂菜，相对比较淡味，个汁就甜甜地，芥兰有啲苦，椰菜就爽甜。湿炒贵刁，个样就似湿炒河，不过贵刁变左长块嘅粉，啲粉有少少焦㶶味，瘦肉几粗糙，好似煲完汤咁，其他料就同上面碟杂菜差唔多，味浓过杂菜。两个人食左二百五，比想像中平，最好食咖哩粉丝，其余两样普通。
继续阅读
之前同事带我黎食过，今次就由我带朋友黎食啦，记得第一次黎时，见到门口完全估唔到会系间食泰国菜嘅餐厅，真系会吓亲，感觉似私房菜咁，但系系泰菜版嘅私房菜，所以好想带朋友黎比佢感受吓，讲返间餐厅啦，入到去会觉得好旧咁，应该都开咗一段日子，望落去似系家庭式经营，上上下下都似系一家人，招呼当然唔似出面啲餐厅咁好，但都唔算好差，不过不失啦，衞生方面我觉得都尚算可以，又未到大排档个啲咁差，但一定唔系高级餐厅咁架啦，到食物啦，可能我食得少泰国菜，我觉得依度嘅生虾刺身几好食，啲虾都几新鲜，虾上面啲酱汁好衬啲虾，同埋几特别嘅，就系佢会另外炸埋个虾头比你，我依其他地方未试过嘅，个冬阴功汤都几足料，几够味，炒菜就普通啲啦，无咩特别，仲有叫咗个肉碎炒饭，个炒饭就比我预其中差些少，感觉唔系好够味道，之前黎食嘅虾糕炒饭就好过依个，再叫嘅话就唔会叫肉碎炒饭啦，总括黎讲都算系间唔错嘅泰国餐厅黎嘅。ps : 依度地方比较偏僻，我同朋友黎系揸车，附近要行10分钟左右先会有轻铁站同巴士站，唔熟路就会比较难揾些少。铺头门口。。。生虾刺身 ＆ 炸虾头肉碎炒饭
继续阅读
星期日朋友约左一起去食饭，去左元朗洪水桥间泰国餐馆食泰国菜。其实我觉得而间餐馆既食品冇咩特别，但有个𩠌一定要推介比大家既系咖哩粉丝蟹，真系好好食，味道真不错，个粉丝可以送饭，蟹肉都算新鲜。其实就真系冇咩特别啦。
继续阅读
听为食猪讲呢度有个唔错嘅泰国嘢，如果唔系有人带路应该完全唔知呢度系餐厅。见门口写住只招待会员，黎之前记得要book位呀。打开menu选择虽然冇一般泰国餐厅多，但应有嘅都会有，好似仲有芒果糯米饭。menu上系冇价钱嘅，但放心，价格都几公道嘅。泰国罐装饮品: 见到冻柜入面有好多第一次见嘅泰国饮品，10蚊罐，拣左两款黎试下。分别有罗望子汁同芦荟蜂蜜饮品。罗望子汁都几特别，酸酸甜甜，杰杰哋咁，而另一罐就好麻麻，好似糖水入面加芦荟粒粒咁。 总括黎讲两罐都好甜下，下次饮返本地饮品算。鸡，猪串烧: 串烧烧得好香，鸡肉同猪肉都唔会烧得干争争，两款都咁好味。不过鸡要食到好味嘅猪串烧好似比较难，因为一般都会好干柴。另外佢嘅沙爹酱俾得好大方，大大碟，入面仲有唔少花生粒粒，不过沙爹味略嫌淡左少少。细小食拼盘: 有春卷，虾饼同鱼饼。春卷炸等香脆，入面有粉丝同猪肉等材料，不过不失啦。鱼饼都几烟un，亦有鱼味，同样不过不失。最有惊喜嘅系虾饼，系我地食过最好味嘅虾饼，因为真系食得到好鲜嘅虾味，唔会太油腻又几弹牙。干炒贵刁: 上枱嘅卖相好一般，味道都系。用料都几足，可以见到好多蔬菜，有蛋仲有肉片。虽然味道一般，好似冇咩调味咁，但好在炒得唔算油加返少少分啦。总括黎计呢度都系小食做得比较好。
继续阅读