鮨文 (裝修中)

終於終於我試左鮨文啦！放左工坐個半鐘去元朗食個晚飯都真係好需要好大既勇氣！去得鮨文都係食Omakase (廚師發板），今次叫左個$1200餐食住先。茶杯蒸蒸蛋好滑，呢個蒸蛋特別在加左柚子，令成個蒸蛋好清新，香味十足。刺身方面有三款-平政魚、大腩同鮑魚。平政魚係爽口既油甘魚咁，師傅燒一燒左，所以油脂好香，好特別。呢款大腩同出面食既有少少唔同，好似話係做野生，所以唔好話太多油脂而好滯，魚味相對普通既濃。鮑魚好彈牙鮮甜，有個用鮑魚膽整成既醬可以點鮑魚食！最後仲會俾舊細飯仔俾你撈埋黎食，個醬一啲都唔腥，濃濃既醬汁包圍住每一次飯，感覺好似食緊risotto咁，好幸福啊！之後有一隻大既北海道甜珍蠔，蠔身好肥美而且鮮甜，日本蠔既個泡野會比較有口感，又唔似外國蠔咁空虛😂蠔上面既係秘裝酸汁同一味粉，令生蠔無咁單調既同時多左一份favour。$1200 omakase包左八件壽司，而我個日就係以下幾款（跟次序食應該係：深海池魚>>左口魚>>金目鯛>>鯖魚>>拖羅>>石垣貝。 全部魚都好新鮮，傾開先知原來佢地既魚係築地新鮮運黎，