高興 (已結業)

星期六既緊係要舒舒服服訓到自然醒，跟住再約埋朋友去搵野食啦咁岩有野要去觀塘買一於就去睇下有咩好食，朋友就介紹去食一間工廠cafe話d pancake好特別好好食，好一於就去試下餐廳既環境同裝潢都同人好放鬆好舒服，一入門口就有幾張舊式理髮店既台，原來係員工休息區，樓底好高而且面積好大，完全唔會有迫既感覺，餐廳最入面既正中間有個類似舞台既地方，有個哈哈笑同高興既燈牌絕對係一個影相位。我地叫左兩main同一個甜品首先係一個9安士既西冷，我叫左7成熟，火喉控制得岩岩好，做到肉嫩多汁，又唔會有血水，牛排簡單調味食到牛本身既味道配上黑椒汁，惹味香口。配菜既薯條亦唔馬虎，新鮮即炸再加上用調味粉shake過，食落有熱浪既味道。另一個日式淡咖哩牛肉漢堡溫泉蛋飯，咖哩味香配菜亦都好入味，牛肉漢堡扒煎得岩岩好，兩邊煎封鎖住肉汁，一切開肉汁流出而且牛肉味濃，配上溫泉蛋拌食，味道層次豐富。甜品叫左麥提莎pancake,一上枱已經俾個賣相吸引住，兩塊厚實既pancake未食已經知道有份量，上面放左球雪糕同鋪滿麥提莎，已經急不及待想食，pancake厚實蛋味香濃，而且散發出朱古力味，配上麥提莎一齊食味道再次昇華，好