新麻蒲 BBQ (波斯富街) (已結業)

铜锣湾真系美食天堂，今次黎到新麻蒲试下韩国菜。因为朋友唔食牛肉，所以拣咗猪肉套餐，计番浑系抵过单点唔同嘅肉类黎烤。一开始侍应就上咗唔少伴菜，例如沙律、泡菜、芽菜等等，清甜开胃。唔洗几耐就上咗个套餐。最上一层系杂锦拼盘，中间系五花肉同护心肉，最下系猪排骨，特别推介护心肉，依个部位嘅肉真系会食上瘾，又香又甜。仲有一小碟系腌萝卜，餐厅教我地系用黎包住烧咗嘅肉加少少秘制嘅酱，好有层次感，又有萝卜嘅酸酸甜甜味解腻。至于拼盘入面有年糕，烧咗几耐下都仲系好硬，唔知系咪算熟呢。部队锅系用隔离嘅炉一路煮，一见到拉面上面嘅芝士已经好吸引，不过拉面比较少，食咗几啖就冇哂，配料都系平时部队锅必备嘅午餐肉呀牛肉片年糕等等。可以着埋餐厅俾嘅围裙，唔惊整污糟件衫。又可以试下韩国啤酒，都几特别。